رسائی کے لنکس

logo-print

افغان صدرکی طالبان سےمصالحت کی اپیل


اخباری کانفرنس سے خطاب کرتے ہوئے کرزئی نے طالبان پر زور دیا ہے کہ وہ امن کےلیے کام کریں

افغان صدر حامد کرزئى نے طالبان جنگجوؤں سے اپنے اس مطالبے کو دہرایا ہے کہ وہ اُن کی حکومت کےخلاف لڑائى بند کردیں اورافغان قوانین کو تسلیم کرلیں۔

مسٹر کرزئى نے اتوار کے روز کابل میں ایک نیوز کانفرنس سے خطاب کرتے ہوئے طالبان پر زور دیا ہے کہ وہ امن کے لیے کام کریں۔

نیوز کانفرنس سے تین دن پہلےلندن میں افغان صدراوراُن کےمغربی اتحادیوں نے مصالحت کےایک ایسے پروگرام سےاتفاق کیا تھا، جس کامقصدانتہا پسند روئیّوں کوترک کردینے کے بدلے میں سابق طالبان جنگجوؤں کواقتصادی ترغیبات فراہم کرنا ہے ۔

مسٹر کرزئى نے کہا ہے کہ وہ مصالحت کی کوششوں پر غورو خوض کرنے کے لیے جلد ہی کوئى لویاجِرگا طلب کریں گے۔ انہوں نے یہ بھی کہا ہے کہ مصالحت کی پیش کش القاعدہ کے ارکان کونہیں کی گئى ہے۔

طالبان ہمیشہ سے یہ کہتے آئے ہیں کہ افغانستان سے بین الاقوامی فوجوں کی واپسی، کسی بھی قسم کے مذاکرات کے لیے ایک پیشگی شرط ہے۔صدر نے کہا ہے کہ اُن کا یہ مطالبہ غیر حقیقت پسندانہ ہے۔

XS
SM
MD
LG