رسائی کے لنکس

logo-print

افغان حکومت نے طالبان کے گڑھ پر قبضہ مکمل کر لیا


افغانستان کے جنوبی شہر مارجہ میں افغان پرچم لہرایا گیا جہاں نیٹو اور افغان فورسز طالبان کے سابق مضبوط گڑھ میں آخری بچے کھچے عسکریت پسندوں سے لڑ رہی ہیں۔

جمعرات کے روز ایک تقریب میں افغان حکومت نے صوبے ہلمند کے اس شہر کا کنٹرول سر کاری طور پر دوبارہ حاصل کیا۔

اس بڑی فوجی کارروائی میں نیٹو اور افغانستان کے 15 ہزار فوجیوں نے حصہ لیا۔ اس کا اگلا مرحلہ مارجہ میں سرکاری سہولیات کی بحالی ہے۔

عہدے داروں نے گزشتہ چند روز میں نسبتاً کم جھڑپوں کی خبر دی ہے اور انہوں نے کہا کہ جو مقامی رہائشی لڑائی سے بچنے کے لیے گھر چھوڑ کر چلے گئے تھے وہ اب واپس آرہے ہیں۔

نیٹو کے کمانڈروں نے کہا ہے کہ افغان آبادی کا اعتماد جیتنا جنوب کی اس کارروائی کا ایک اہم مقصد ہے۔ تاہم طالبان کے حملوں کے جواب میں کارروائی کرنے کے لیے اتحادی فوجیوں کے لیے سخت ضابطوں کے باوجود عام شہریوں کی اموات کے واقعات جاری ہیں۔

XS
SM
MD
LG