امریکی خلابازوں کی بین الاقوامی خلائی اسٹیشن سے واپسی

امریکہ کے دو خلاباز بین الاقوامی خلائی اسٹیشن میں دو ماہ کا عرصہ گزارنے کے بعد اتوار کی سہ پہر زمین پر بحفاظت واپس پہنچ گئے ہیں۔ خلابازوں نے یہ سفر پہلی بار ایک پرائیویٹ خلائی راکٹ اسپیس ایکس کے ذریعے کیا تھا اور وہ اسپیس ایکس کے خصوصی کیپسول 'ڈریگن' کے ذریعے خلیج میکسیکو میں اترے۔ امریکی خلابازوں کو لینے کے لیے اسپیس ایکس کا عملہ بھی موجود تھا۔