چین میں سمندر پر قائم کیے جانے والے دنیا کے طویل ترین پل کا افتتاح کردیا گیا ہے۔ پل چین کے شہر ژوہائی کو نیم خودمختار علاقوں ہانگ کانگ اور مکاؤ سے ملائے گا۔ پل کا افتتاح منگل کو چین کے صدر ژی جن پنگ نے کیا جس کے بعد بدھ سے اسے معمول کی ٹریفک کے لیے کھول دیا گیا ہے۔
تصاویر: سمندر پر تعمیر ہونے والے دنیا کے طویل ترین پل کا افتتاح
![پل 55 کلومیٹر طویل ہے جس کی تعمیر 2009ء میں شروع کی گئی تھی۔ پل چین کے دریائے پرل کے ڈیلٹا پر قائم کیا گیا ہے۔](https://gdb.voanews.com/54de706c-18a2-4f9c-9e15-cb5a600bf932_w1024_q10_s.jpg)
2
پل 55 کلومیٹر طویل ہے جس کی تعمیر 2009ء میں شروع کی گئی تھی۔ پل چین کے دریائے پرل کے ڈیلٹا پر قائم کیا گیا ہے۔
![پل کی تعمیر 2016ء میں مکمل ہونی تھی لیکن مختلف وجوہات کی بنیاد پر پہلے اس کی تعمیر پھر افتتاح تاخیر کا شکار ہوتا رہا۔](https://gdb.voanews.com/2c5ce674-bb6f-40db-88bf-53aa37e93e3f_w1024_q10_s.jpg)
3
پل کی تعمیر 2016ء میں مکمل ہونی تھی لیکن مختلف وجوہات کی بنیاد پر پہلے اس کی تعمیر پھر افتتاح تاخیر کا شکار ہوتا رہا۔
![سمندر پر تعمیر کیے جانے والے اس پل پر 20 ارب ڈالر لاگت آئی ہے جس میں سے 9 ارب ڈالر ہانگ کانگ کی حکومت نے دیے ہیں۔ ](https://gdb.voanews.com/18e2aaed-6a51-4ea8-af67-358a3111bc13_w1024_q10_s.jpg)
4
سمندر پر تعمیر کیے جانے والے اس پل پر 20 ارب ڈالر لاگت آئی ہے جس میں سے 9 ارب ڈالر ہانگ کانگ کی حکومت نے دیے ہیں۔
![پل کی تعمیر میں چار لاکھ ٹن سریا استعمال ہوا ہے اور چینی حکام کا کہنا ہے کہ پل ریکٹر اسکیل پر آٹھ شدت کے زلزلے اور انتہائی شدید طوفان کو بھی برداشت کرنے کی صلاحیت رکھتا ہے۔](https://gdb.voanews.com/2c297c54-9399-402d-b4c8-b53eba4baa2f_w1024_q10_s.png)
5
پل کی تعمیر میں چار لاکھ ٹن سریا استعمال ہوا ہے اور چینی حکام کا کہنا ہے کہ پل ریکٹر اسکیل پر آٹھ شدت کے زلزلے اور انتہائی شدید طوفان کو بھی برداشت کرنے کی صلاحیت رکھتا ہے۔