کرونا وائرس: گھر گھر دفتر کھل گئے
کرونا وائرس کے بحران کے نتیجے میں پوری دنیا کے سرکاری اور نجی ادارے اپنے ملازمین کو گھر سے کام کرنے کا موقع فراہم کر رہے ہیں اور بہت سے ادارے اپنے ملازمین کو ان کے گھروں میں ہی ٹیلی ورکنگ کی آن لائن ٹریننگ دے کر ان سے کام کروا رہے ہیں۔ اور یوں، دنیا بھر کے لاکھوں ملازمین کو گھر سے دفتر کا کام کرنے کا ایک منفرد تجربہ ہو رہا ہے۔
بہت سے مقامات پر ایک ہی گھر کے مختلف حصوں میں گھر کے افراد نے اپنے اپنے کمپیوٹرز یا لیپ ٹاپس کے ساتھ اپنے دفتر کھول رکھے ہیں۔
کرونا بحران نے ٹیلی ورکنگ کی اہمیت اور افادیت کو اجاگر کر دیا ہے اور اس مشکل صورت حال میں یہ اداروں کے کام کا پہیہ چلنے کا ایک موثر ذریعہ بن کر سامنے آیا ہے۔ امریکہ اور یورپ میں ٹیلی ورکنگ کا سلسلہ بہت سے اداروں میں بہت عرصے سے جاری ہے۔ لیکن، کیا اس بحران کے بعد اس سلسلے میں اضافہ کیا جائے گا؟ اور کیا دنیا کے دوسرے ملکوں میں جہاں ٹیلی ورکنگ کو ابھی تک متعارف نہیں کرایا گیا، کرونا بحران کے بعد اس سسٹم کو متعارف کرایا جائے گا یا کرایا جا سکتا ہے؟ وائس آف امریکہ نے اس بارے میں پاکستان اور دنیا بھر سے ملازمین اور ماہرین سے انٹرویوز کیے ہیں۔
پناہ گزینوں میں کرونا وائرس کا پھیلاؤ نہایت تباہ کن ہو سکتا ہے
امدادی گروپوں نے اس خدشے کا اظہار کیا ہے کہ مختلف علاقوں میں مقیم پناہ گزینوں کے کیمپوں میں کرونا وائرس کا پھیلاؤ زبردست تبادہی کا پیش خیمہ بن سکتا ہے۔
اقوام متحدہ کے اندازے کے مطابق فی الوقت دنیا بھر میں پناہ گزینوں کی تعداد تین کروڑ ہے۔ بدقسمتی سے ان میں سے بہت سے پناہ گزین ایسے حالات میں زندگی گزار رہے ہیں جو کرونا وائرس کے پھیلاؤ کے لئے خطرناک سمجھے جاتے ہیں۔
کرونا نے میامی کے مقبول ساحل کو بھی اجاڑ دیا
امریکہ میں نئےکرونا وائرس کے پھوٹنے سے مارچ میں ہونے والی موسم بہار کی تعطیلات کی ایک مقبول روایت بھی متاثر ہوئی ہے۔ کچھ طالبعلم جو ساحل سمندر کی سیر کا پروگرام بنا رہے تھے، انہیں اپنی پارٹیاں ختم کرنا پڑی ہیں۔
اوہائیو کے ایک طالبعلم بریڈی سلوڈر نے کہا ہے کہ ''اگر مجھے کرونا ہوتا ہے تو ہو جائے، لیکن میں اس کیوجہ سے اپنی پارٹی نہیں روکوں گا''۔
اس روایتی تعطیل کی کئی ماہ کی منصوبہ بندی اور انتظار کے بعد میامی کے ساحل پر موسم بہار کی تعطیل منانے والے کالج کے طالبعلموں کا رابطہ اس وقت شہر سے منقطع ہو گیا جب کرونا وائرس کی بڑھتی ہوئی وبا کے خدشات کے پیش نظر شہر میں ہجوموں پر پابندی کے نفاذ کے بعد عوامی ساحلی مقامات اور آخر کار ریستورانوں اور بارز کو بند کر دیا گیا۔
کرونا وائرس کے بھارتی معیشت پر اثرات
کرونا وائرس کی وجہ سے بھارت نے سیاحتی ویزے اور سیاحتی مقامات بند کر دیے ہیں۔ سٹرکوں اور بازاروں میں لوگوں کی تعداد میں کمی کا اثر کاروبار پر پڑا ہے۔ بھارت کی معیشت پہلے ہی سست روی کا شکار تھی۔ کرونا وائرس کی وجہ مزید منفی اثرات کا خطرہ پیدا ہو گیا ہے۔ رتل جوشی کی رپورٹ
