پاکستان کے صدر کا نماز جمعہ گھر میں ادا کرنے کا پیغام
پنجاب میں جمعے کے اجتماع پر پابندی
پاکستان کے صوبے پنجاب کی حکومت نے بھی نماز جمعہ کے اجتماعات پر پابندی کا اعلان کر دیا ہے۔ محکمہ اوقات کی جانب سے جاری کیے گئے حکم نامے میں کہا گیا ہے کہ مساجد میں صرف تین سے پانچ افراد ہی نماز جمعہ ادا کر سکیں گے۔
ان افراد میں امام مسجد اور موزن بھی شامل ہوں گے جب کہ دیگر افراد کو گھروں میں ہی نماز ادا کرنے کی ہدایت کی گئی ہے۔
پاکستان میں جرمنی کے سفارتی اہلکاروں کا ٹیلی فون کے ذریعے رابطہ
پاکستان میں جرمنی کے سفیر کا کہنا ہے کہ پاکستان میں کرونا وائرس کی صورتِ حال سے متعلق جرمنی کے شہریوں سے رابطے ہیں۔ اس سلسلے میں سفارتی اہلکار کے لیے اہلکار شہریوں سے فون کے ذریعے رابطہ کر رہے ہیں۔
افغانستان: دس ہزار قیدیوں کی رہائی کا فرمان جاری
افغانستان کی حکومت کرونا وائرس کے پھیلاؤ کو روکنے کے لیے ملک کی مختلف جیلوں میں قید کم از کم 10 ہزار افغان قیدیوں کو رہا کرے گی جن میں زیادہ تر خواتین، بچے اور وہ قیدی شامل ہیں جو بیمار ہیں۔
ان قیدیوں کی رہائی کی منظوری صدر اشرف غنی کی طرف سے جاری ہونے والے صدارتی فرمان کے تحت دی گئی ہے۔
افغان عہدیدار کے مطابق قیدیوں کی رہائی کا عمل 10 روز میں مکمل ہو جائے گا۔ تاہم رہا کیے جانے والے قیدیوں میں شدت پسند گروپ داعش یا طالبان کے قیدی شامل نہیں ہوں گے۔
خبر رساں ادارے 'رائٹرز' کے مطابق افغانستان کے اٹارنی جنرل محمد فرید حمیدی نے جمعرات کو ایک نیوز کانفرنس میں بتایا ہے کہ صحت کے سنگین مسائل سے دوچار قیدی، خواتین، بچے اور وہ معمر قیدی جن کی عمر 55 سال سے زائد ہے، وہ صدرارتی فرمان سے مستفید ہو سکیں گے۔
عالمی امدادی اداروں نے حال ہی میں افغانستان کی جیلوں میں کرونا وائرس کے پھیلاؤ کے خدشے کا اظہار کرتے ہوئے حکومت سے ملک کی جیلوں میں بند تمام قیدیوں کی صحت پر تشویش کا اظہار کرتے ہوئے انہیں رہا کرنے کی درخواست کی تھی۔