برونائی میں کرونا وائرس سے پہلی ہلاکت
برونائی میں کرونا وائرس سے پہلی ہلاکت ہوئی ہے۔ ہفتے کو ایک 64 سالہ شخص 'کووڈ 19' کے مرض سے لڑتے ہوئی زندگی کی بازی ہار گیا ہے۔
خبر رساں ادارے 'رائٹرز' کے مطابق برونائی میں کرونا وائرس کے 115 کیسز رپورٹ ہو چکے ہیں جن میں سے زایدہ تر افراد وہ ہیں جنہوں نے ملائیشیا میں ہونے والے ایک مذہبی اجتماع میں شرکت کی تھی۔
کوئٹہ: لاک ڈاؤن پر عمل نہ کرنے والوں کے خلاف پولیس کا کریک ڈاؤن
کوئٹہ میں لاک ڈاؤن کے احکامات پر عمل درآمد جاری ہے۔ پولیس غیر ضروری طور پر گھروں سے نکلنے والوں کو گرفتار کر کے چالان کر رہی ہے۔ حکام کا کہنا ہے کہ آگاہی مہم کے باوجود بعض لوگ لاک ڈاؤن پر عمل نہیں کر رہے۔ اس صورتِ حال میں مزید سخت اقدامات بھی کیے جا سکتے ہیں۔ دیکھیے مرتضیٰ زہری کی رپورٹ
امریکی وزیرِ خارجہ کی اسلام آباد کے ڈسٹرکٹ ہیلتھ افسر کی تعریف
امریکہ کے وزیر خارجہ مائیک پومپیو نے اسلام آباد کے ڈسٹرکٹ ہیلتھ افسر ضعیم ضیا کو خراج تحسین پیش کیا ہے۔
مائیک پومپیو نے ٹوئٹر پر جاری اپنے ایک پیغام میں کرونا وائرس کے خلاف ان کے اقدامات کو سراہا۔
امریکی وزیرِ خارجہ کا کہنا تھا کہ ڈاکٹر ضعیم ضیا کرونا وائرس کے خلاف شاندار کام کر رہے ہیں۔ ڈاکٹر ضعیم ضیا کی حالیہ کاوشوں کو عالمی سطح پر سراہا جا رہا ہے۔
کرونا وائرس نے ڈھول بجانے والوں کو بھی بیروزگار کر دیا
کرونا وائرس نے زندگی کے ہر شعبے کو بری طرح متاثر کیا ہے اور مزدور اور ہنرمند سب پریشان ہیں۔ پشاور کی سڑکوں پر ڈھول بجانے والے جگہ جگہ کھڑے گاہکوں کا انتظار کر رہے ہیں۔ شادی بیاہ کی تقریبات پر پابندی کے بعد خوشی کے موقع پر رونق لگانے والے یہ ہنرمند پریشان تو ہیں لیکن ناامید نہیں۔ عمر فاروق کی رپورٹ
