13:30
30.3.2020
کرونا وائرس: وزیرِ اعظم عمران خان آج قوم کو اعتماد میں لیں گے
پاکستان کے وزیرِ عمران خان کرونا وائرس سے نمٹنے کے لیے کیے گئے حالیہ اقدامات سے متعلق قوم کو اعتماد میں لیں گے۔
وزیرِ اعظم کا پیغام آج شام کو ریکارڈ ہو گا جس کے بعد آج ہی اسے نشر کیا جائے گا۔
عمران خان کور کمیٹی اجلاس میں کیے گئے فیصلوں سے آگاہ کریں گے اور ان کی جانب سے تعمیراتی شعبے کے لیے پیکج کا اعلان بھی کیا جائے گا۔
13:11
30.3.2020
پاکستان میں کرونا وائرس کے کیسز کی تعداد 1625 ہو گئی
13:10
30.3.2020
کرونا وائرس سے دنیا میں سب سے زیادہ متاثر ہونے والے دس ممالک
12:06
30.3.2020
اسپین: ہلاکتوں میں اضافے کے بعد پابندیاں مزید سخت کرنے کا فیصلہ
یورپ کے ملک اسپین میں کرونا وائرس سے ہلاک ہونے والے مریضوں کی تعداد میں اضافے کے بعد ہسپانوی حکومت نے پابندیاں مزید سخت کرنے کا فیصلہ کیا ہے۔
اسپین میں پچھلے چوبیس گھنٹوں میں 838 افراد کی کرونا وائرس سے ہلاکتوں کے بعد اس وبا سے اب تک ہلاکتوں کی تعداد 6528 ہو گئی ہے۔
اسپین میں کرونا وائرس سے متاثرہ افراد کی تعداد 78 ہزار 797 ہو گئی ہے جو کہ ایک دن پہلے تک 72 ہزار 248 تھی۔