پاکستان میں ہلاکتوں کی تعداد 50 ہو گئی
پاکستان کے سرکاری اعداد و شمار کے مطابق ملک بھر میں کرونا وائرس سے ہلاکتوں کی تعداد 50 ہوگئی جب کہ 17 افراد کی حالت تشویش ناک اور 257 صحت یاب ہو چکے ہیں۔
حکام کے مطابق گزشتہ 24 گھنٹوں کے دوران ملک بھر میں 397 نئے کیسز سامنے آنے کے بعد عالمی وبا سے متاثر ہونے والوں کی تعداد 3277 ہو گئی ہے۔
پنجاب میں اب تک متاثرہ مریض7493، سندھ میں 881، خیبرپختونخوا میں 405، بلوچستان میں 191، وفاقی دارالحکومت اسلام آباد میں 82، گلگت بلتستان میں 210 اور پاکستان کے زیرِ انتظام کشمیر میں 15 ہوچکے ہیں۔
پاکستان کے صوبے پنجاب میں کیسز کی تعداد 1493 ہے
برطانوی وزیرِ اعظم کا کرونا ٹیسٹ مثبت
برطانوی وزیرِ اعظم بورس جانسن کا کرونا ٹیسٹ مثبت آنے کے بعد انہیں وزیر اعظم آفس سے اسپتال منتقل کر دیا گیا ہے۔
بورس جانسن نے اس سے قبل اپنے ایک بیان میں کہا تھا کہ ان کہ 27 مارچ کو ان میں کرونا وائرس کی علامات پائی گئی ہیں جس کے بعد انہوں نے خود کو تنہا کر دیا ہے اور وہ سات روز کے لیے وزیرِ اعظم آفس کی رہائش گاہ پر ہی رہیں گے۔
بھارت میں ہلاکتیں 100 سے متجاوز
بھارت میں گزشتہ 24 گھںٹوں کے دوران کرونا وائرس کے مزید 31 افراد ہلاک ہو گئے ہیں جس کے بعد ہلاکتوں کی مجموعی تعداد 109 ہو گئی ہے۔
بھارت میں ایک روز کے دوران ہونے والی یہ سب سے زیادہ اموات ہیں۔ گزشتہ چوبیس گھنٹوں کے دوران ملک بھر میں مزید 693 افراد میں کرونا وائرس کی تشخیص ہوئی ہے جس کے بعد مریضوں کی مجموعی تعداد 4067 ہو گئی ہے۔
بھارت کی سب سے زیادہ متاثر ہونے والی ریاستوں میں تامل ناڈو سرِ فہرست ہے جہاں اب تک 45 ہلاکتیں رپورٹ ہو چکی ہیں۔
وزیر اعظم نریندر مودی کے احکامات کی روشنی میں ملک میں ملک لاک ڈاؤن ہے اور اس وبا سے نمٹنے کے لیے کیئر فنڈ بھی قائم کیا گیا ہے۔