پاکستان میں ایک روز میں کرونا وائرس کے سب سے زیادہ 796 کیسز رپورٹ
پاکستان میں ہلاکتوں کی تعداد 192 ہو گئی
- By زبیر ڈار
بھارتی کشمیر: خاتون صحافی کے خلاف تصویریں شیئر کرنے پر مقدمہ
بھارت کے زیرِ انتظام کشمیر میں خاتون صحافی پر ملک دشمنی اور اشتعال انگیزی کا مقدمہ درج کر لیا گیا ہے۔ مسرت زہرا نے حال ہی میں تین تصویریں سوشل میڈیا پر شیئر کی تھیں۔ اِن تصویروں میں حالات کی منظر کشی کی گئی تھی۔ کشمیر کی صحافی تنظیموں نے مقدمے کے اندراج کو آزادیٔ اظہار پر حملہ قرار دیا ہے۔
یورپ میں کرونا وائرس سے اموات ایک لاکھ ہوگئیں
کرونا وائرس کی ہلاکت خیزیوں میں کمی نہیں آ رہی اور صرف یورپ میں اموات کی تعداد ایک لاکھ سے زیادہ ہو گئی ہے۔ امریکہ میں کیسز کی تعداد لگ بھگ 8 لاکھ اور اموات کی تعداد تقریباً 42 ہزار ہے۔
جانز ہاپکنز یونیورسٹی اور ورڈومیٹرز کے مطابق پیر کی سہ پہر تک 210 ملکوں اور خود مختار علاقوں میں کرونا وائرس کے مریضوں کی تعداد 24 لاکھ 70 ہزار اور ہلاکتوں کی تعداد ایک لاکھ 70 ہزار ہو چکی ہے۔
24 گھنٹوں کے دوران فرانس میں 547، اٹلی میں 454، برطانیہ میں 449، اسپین میں 399، برازیل میں 383، بیلجیم میں 145 اور ترکی میں 123 مریض دم توڑ گئے۔ کینیڈا میں 93، ایران میں 91، آئرلینڈ میں 77، نیدرلینڈز میں 67 اور جرمنی میں 64 افراد چل بسے۔