امریکہ میں الیکشن کے سال میں بے روزگاری
امریکی ریاستوں میں بہت سی ایسی آبادیاں ہیں جہاں گزشتہ چند دہائیوں کے دوران پیداواری شعبے میں اچھی تنخواہوں والی ملازمتیں غائب ہو چکی ہیں۔ کرونا وائرس کی وبا نے اس صورتِ حال میں مزید بگاڑ پیدا کیا ہے۔ کیا ان حالات کا نومبر کے صدارتی انتخابات پر کوئی اثر پڑ سکتا ہے؟ دیکھیے ریاست وسکانسن سے اس رپورٹ میں
وبا کے باعث جِم کی صفائی کے طریقے بدل گئے
بیشتر امریکی ریاستیں کرونا وائرس کی وجہ سے کئی ماہ بند رہنے والے کاروباروں کو حفاظتی تدابیر کے ساتھ مرحلہ وار کھولنے کی اجازت دے رہی ہیں۔
جم اور فٹنس سینٹر بھی کھولے جا رہے ہیں۔ یہ جم اپنے صارفین کی صحت اور حفاظت کے لیے کیا اقدامات کر رہے ہیں؟ دیکھیے اس رپورٹ میں
امریکہ میں ایک لاکھ 40 ہزار سے زائد اموات
امریکہ میں ہفتے تک کرونا وائرس سے مرنے والوں کی تعداد ایک لاکھ 40 ہزار سے تجاوز کرگئی ہے۔ جون کے آخر سے نئے کیسز کی تعداد میں اضافہ نوٹ کیا گیا تھا اور اب چھ ہفتوں بعد اموات میں بھی تیزی سے اضافہ ہوا ہے۔
اعداد و شمار کے مطابق ملک میں ہر ہفتے تقریباََ پانچ ہزار افراد وبائی مرض کے سبب ہلاک ہو رہے ہیں.
امریکہ کے پڑوسی ملک کینیڈا میں وبائی مرض پھیلنے سے اب تک مجموعی طور پر نو ہزار کے قریب افراد ہلاک ہوئے ہیں۔