دوسری جنگ عظیم کے بعد پہلی بار نیشنل اسپیلنگ بی منسوخ
امریکہ میں دوسری جنگ عظیم کے بعد پہلی بار 'نیشنل اسپیلنگ بی' مقابلہ منسوخ کر دیا گیا ہے۔ منتظمین کا کہنا ہے کہ کرونا وائرس کی وجہ سے نئی تاریخ کا اعلان کرنا ممکن نہیں۔
اس کا انعقاد 24 سے 29 مئی تک دارالحکومت واشنگٹن ڈی سی سے ملحق نیشنل ریزورٹ اینڈ کنونشن سینٹر نیشنل ہاربر میں ہونا تھا۔
اس سے پہلے مارچ میں منتظمین نے مقابلہ ملتوی کرنے کا اعلان کیا تھا جس سے امید ہوئی تھی کہ سال کے آخر میں اسے منعقد کیا جائے گا۔ لیکن اب منتظمین کا کہنا ہے کہ موجودہ صورتحال کی وجہ سے اس سال مقابلے کی نئی تاریخ مقرر کرنا ممکن نظر نہیں آرہا۔
پاکستان میں ہلاکتیں 200 سے متجاوز
- By قمر عباس جعفری
امریکہ: معیشت کا پہیہ دوبارہ چلانے پر بحث زور پکڑتی جا رہی ہے
امریکہ میں صدارتی انتخابات اب چند ماہ دور ہیں اور ملک کرونا وائرس کے پھیلاؤ کو روکنے کے لئے بند ہے۔ اور یہ بحث زور پکڑتی جا رہی ہے کہ گرتی ہوئی معیشت کا پہیہ دوبارہ چلانے کی خاطر لاک ڈاؤن کو بتدریج ہی سہی لیکن ختم کیا جائے یا نہیں۔
ماہرین اور بعض سیاسی حلقوں کا استدلال ہے کہ ابھی لاک ڈاؤن نہیں ختم کیا جانا چاہئے، کیونکہ اس سے مستقبل میں اس وبا کے دوبارہ پھیلنے کے خطرات بڑھ جائیں گے؛ جبکہ صدر ٹرمپ کا موقف یہ ہے کہ لاک ڈاؤن بتدریج ختم کیا جانا چاہئیے، تاکہ معاشی سرگرمیاں پھر سے شروع ہو سکیں۔
بعض تجزیہ کاروں کا کہنا ہے کہ صدر ٹرمپ کی توجہ معیشت پر ہے۔ اور وہ سمجھتے ہیں کہ اگر معیشت بہتر نہ ہوئی اور ملک میں بے روزگاری بڑھی تو نومبر کے انتخاب میں ان کے لئے دشواریاں پیدا ہو سکتی ہیں۔
ڈیمو کریٹس کی کوشش یہ ہے کہ لاک ڈاؤن نہ کھلے جس کا نقصان ریپبلیکن پارٹی کو ہوگا اور وہ اس بحران سے نمٹنے کے لئے حکومت کی کارکردگی کو بھی اپنی مہم میں ہدف بنا سکتے ہیں۔