کیا عرب ڈاکٹر اسرائیلی معاشرے کو بدل سکتے ہیں؟
لاک ڈاؤن کے بعد دوسرے ممالک کی طرح اسرائیل میں بھی کرونا وائرس سے اموات اور نئے کیسز میں کمی آئی ہے۔ یہاں کے طبی عملے میں اسرائیلی عرب بھی شامل ہیں۔ تجزیہ کار سمجھتے ہیں کہ کرونا وائرس بحران میں ان کا کردار اسرائیلی معاشرے میں تبدیلی لاسکتا ہے۔
'پاکستان میں افغان مہاجرین کی کرونا ٹیسٹنگ نہیں ہو رہی'
افغان مہاجرین کو پاکستان میں 40 سال ہو چکے ہیں۔ ان مہاجرین کی نئى نسل کے لیے افغانستان سے زیادہ پاکستان ان کا اپنا گھر ہے۔ اقوامِ متحدہ کے مطابق پاکستان میں رجسٹرڈ افغان مہاجرین کی تعداد 14 لاکھ سے زائد ہے۔ کرونا وائرس کی وجہ سے ان افغان مہاجرین کو کن خطرات اور خدشات کا سامنا ہے؟
پاکستان میں کیسز کی تعداد 40ہزار سے متجاوز
پاکستان میں کرونا وائرس سے متاثرہ افراد کی تعداد 40 ہزار سے تجاوز کر گئی ہے۔
وائرس سے متعلق سرکاری اعداد و شمار بتانے والی ویب سائٹ 'کویڈ' کے مطابق گزشتہ 24 گھنٹوں میں پاکستان میں مزید 1352 افراد میں وائرس کی تصدیق ہوئی ہے۔ جس کے بعد ملک میں وائرس سے متاثرہ افراد کی مجموعی تعداد 40151 ہو گئی ہے۔
اعداد و شمار کے مطابق پاکستان میں سب سے زیادہ متاثرہ افراد سندھ میں ہیں جن کی تعداد 15590 ہے جب کہ پنجاب میں مریضوں کی تعداد 14584 ہے۔
خیبر پختونخوا میں 5847، بلوچستان میں 2544، وفاقی دارالحکومت اسلام آباد میں 947، گلگت بلتستان میں 527 جب کہ پاکستان کے زیر انتظام کشمیر میں 112 افراد میں وائرس کی تصدیق کی گئی ہے۔