افریقی ممالک میں مقامی طور پر وینٹی لیٹرز اور طبی آلات کی تیاری
کرونا وائرس سے بچاؤ کے لیے جہاں دنیا کے ترقی یافتہ ممالک میں ایجادات کا سلسلہ جاری ہے۔ وہیں افریقی ممالک میں بھی سائنس دان اور انجینئرز وائرس کا پھیلاؤ روکنے کے لیے کوششوں میں مصروف ہیں۔
افریقی ممالک میں اگرچہ وائرس کے پھیلاؤ کی شرح کم ہے لیکن بعض ملکوں کے اسپتالوں میں رش اور ڈاکٹرز کے پاس حفاظتی آلات نہ ہونے کی شکایات بھی سامنے آتی رہی ہیں۔
انہیں شکایات کے پیشِ نظر کینیا کے دارالحکومت نیروبی کی ٹیکنالوجی کمپنی نے تھری ڈی فیس شیلڈ کا ڈیزائن متعارف کرایا ہے۔ اسے پلاسٹک کی چادر سے جوڑ کر استعمال کیا جا سکتا ہے۔
یہ حفاظتی شیلڈ نیروبی کی ٹیکنالوجی کمپنی 'الٹرا ریڈ ٹیکنالوجیز' کے دو انجینئرز میحول شاہ اور نیول شاہ نے تیار کی ہیں۔
خیبر پختونخوا میں پبلک ٹرانسپورٹ بحال
خیبر پختونخوا کے مختلف شہروں اور اضلاع میں پبلک ٹرانسپورٹ مکمل طور پر بحال ہو گئی ہے۔
ٹرانسپورٹ بحال ہونے کے ساتھ ہی مختلف شہروں اور قصبوں کے سرکاری اور نجی اداروں میں فرائض انجام دینے والے افراد عید رشتے داروں کے ساتھ منانے کے لیے آبائی علاقوں میں جانا شروع ہو گئے ہیں۔
وزیر اعلیٰ محمود خان کے مشیر برائے اطلاعات اجمل وزیر نے دو دن قبل پبلک ٹرانسپورٹ کی بحالی کا اعلان کیا تھا۔
اعلان کے بعد صوبائی دارالحکومت پشاور میں تو پیر سے ہی پبلک ٹرانسپورٹ بحال ہو گئی تھی تاہم بین الاضلاع ٹرانسپورٹ چلانے والوں نے شرائط پر تحفظات کا اظہار کرتے ہوئے گاڑیاں چلانے سے انکار کر دیا تھا۔
منگل کو صوبے بھر میں بین الاضلاع ٹرانسپورٹ کا سلسلہ بھی بحال ہو گیا ہے۔
اجمل وزیر نے کہا تھا کہ تیل کی قیمتوں میں کمی کے باعث پبلک ٹرانسپورٹ کے کرایوں میں کمی کردی گئی ہے مگر ٹرانسپورٹرز نے اس فیصلے کو ایس او پیز سے مشروط کر کے مسترد کر دیا ہے۔
پنجاب میں ٹرانسپورٹرز کا بسیں چلانے سے انکار
لاک ڈاؤن میں نرمی کے بعد پنجاب میں پبلک ٹرانسپورٹ چلانے کی اجازت دے دی گئی ہے۔
سماجی فاصلہ رکھنے کی شرط اور کرائے میں 20 فی صد کمی کے اعلان کے باعث ٹرانسپورٹرز نے بسیں چلانے سے انکار کر دیا ہے۔ اس حوالے سے مزید بتا رہے ہیں اسلام آباد سے عاصم علی رانا