ٹوکیو ڈزنی لینڈ کی رونقیں چار ماہ بعد بحال
جاپان کے دارالحکومت ٹوکیو میں قائم ڈزنی لینڈ یکم جولائی کو چار ماہ بعد لوگوں کے لیے کھول دیا گیا ہے۔ یہ تفریحی مقام کرونا وائرس کی وبا پھیلنے کے بعد فروری کے اواخر میں بند کیا گیا تھا۔ ڈزنی لینڈ جانے والوں کو احتیاطی تدابیر پر سختی سے عمل کرنے کی ہدایت کی جا رہی ہے۔
ٹوکیو ڈزنی لینڈ کی رونقیں چار ماہ بعد بحال
روس میں 6556 نئے کیسز رپورٹ
روس میں گزشتہ 24 گھنٹوں کے دوران کرونا وائرس کے مزید 6556 کیسز رپورٹ ہونے کے بعد ملک میں کووڈ 19 کا شکار مریضوں کی کل تعداد چھ لاکھ 54 ہزار 405 ہو گئی ہے۔
منگل کو روس میں کرونا سے 216 افراد کی موت ہوئی جس کے بعد ہلاکتوں کی مجموعی تعداد نو ہزار 536 تک پہنچ گئی ہے۔
پنجاب میں کرونا کے پانچ لاکھ سے زائد ٹیسٹ، 27 ہزار مریض صحت یاب
پاکستان کے سب سے بڑے صوبے پنجاب کے ادارۂ صحت 'پرائمری اینڈ سیکنڈری ہیلتھ کیئر' کے ترجمان نے کہا ہے کہ صوبے بھر میں اب تک پانچ لاکھ ایک ہزار 509 کرونا ٹیسٹس کیے گئے ہیں جس کے بعد 76 ہزار 262 افراد میں 'کووڈ 19' کی تصدیق ہوئی ہے۔
ترجمان کے مطابق پنجاب میں کرونا سے صحت یاب مریضوں کی کل تعداد 27 ہزار 488 ہے جب کہ 1762 افراد اس وبا سے جان کی بازی ہار چکے ہیں۔
چیک ری پبلک میں کرونا کے خاتمے کا جشن
چیک ری پبلک میں کرونا وائرس کے باعث عائد پابندیاں اٹھانے کا اعلان ہوا تو لوگ جشن منانے بڑی تعداد میں گھروں سے نکل آئے۔ دارالحکومت پراگ میں 500 میٹر طویل ایک ٹیبل لگائی گئی تھی جس پر درجنوں لوگوں نے بیٹھ کر ایک دوسرے سے خوش گپیاں کیں اور ملک میں کرونا کے خاتمے کا جشن منایا۔ لوگوں نے سماجی فاصلے کی ہدایت اور احتیاطی تدابیر کو بھی نظر انداز کر دیا۔