کرونا وائرس سے صحت یاب نرس کا وعدہ
کرونا کے یومیہ کیسز میں کمی کے بعد بیجنگ کے کچھ علاقوں میں لاک ڈاؤن ختم
چین نے دارالحکومت بیجنگ میں کرونا کے یومیہ کیسز کم ہونے کے بعد کچھ علاقوں میں لاک ڈاؤن ختم کر دیا ہے۔ گزشتہ 24 گھنٹوں کے دوران بیجنگ میں صرف تین کیسز سامنے آئے ہیں جب کہ بڑے پیمانے پر ٹیسٹنگ کا عمل بھی جاری ہے۔
چین کے دارالحکومت میں چند روز قبل کرونا وائرس کے نئے کیسز تیزی سے بڑھنا شروع ہوئے تھے جس کے بعد مقامی انتظامیہ نے شہر کے درجنوں مقامات بند کر دیے تھے اور بڑے پیمانے پر کرونا وائرس ٹیسٹنگ کا عمل شروع کیا تھا۔
منگل کو مقامی میڈیا نے رپورٹ کیا ہے کہ بیجنگ کے پانچ ایسے علاقے جن میں کئی روز سے کیسز رپورٹ نہیں ہوئے، وہاں لاک ڈاؤن ختم کر دیا گیا ہے۔
تھائی لینڈ میں اسکول کھل گئے
بھارت میں 18 ہزار سے زائد نئے کیسز، اموات 17 ہزار 400 ہو گئیں
بھارت میں کرونا وائرس کے 18 ہزار 653 نئے کیسز رپورٹ ہونے کے بعد 'کووڈ 19' کے مریضوں کی مجموعی تعداد پانچ لاکھ 85 ہزار سے زائد ہو گئی ہے۔
گزشتہ 24 گھنٹوں کے دوران بھارت میں 507 افراد کرونا وائرس سے ہلاک ہوئے جس کے بعد ملک میں اموات کی کل تعداد 17 ہزار 400 ہو گئی ہے۔
بھارت کی وزارتِ صحت کے اعداد و شمار کے مطابق اس وقت ملک میں دو لاکھ 20 ہزار سے زائد افراد کووڈ 19 کی بیماری میں مبتلا ہیں جب کہ تین لاکھ 47 ہزار افراد صحت یاب ہو چکے ہیں۔
وائرس کا پھیلاؤ روکنے کے لیے حکام نے ممبئی شہر میں دفعہ 144 نافذ کر دی ہے جس کے بعد شہر کے عوامی مقامات پر لوگوں کے اجتماع پر پابندی ہے۔
بھارت میں یکم جولائی کو ڈاکٹروں کا قومی دن بھی منایا جا رہا ہے اور اس موقع پر وزیرِ اعظم نریندر مودی نے کرونا کے خلاف برسرِ پیکار ڈاکٹروں کو خراجِ تحسین پیش کیا ہے۔