امریکہ میں الیکشن کے سال میں بے روزگاری
امریکی ریاستوں میں بہت سی ایسی آبادیاں ہیں جہاں گزشتہ چند دہائیوں کے دوران پیداواری شعبے میں اچھی تنخواہوں والی ملازمتیں غائب ہو چکی ہیں۔ کرونا وائرس کی وبا نے اس صورتِ حال میں مزید بگاڑ پیدا کیا ہے۔ کیا ان حالات کا نومبر کے صدارتی انتخابات پر کوئی اثر پڑ سکتا ہے؟ دیکھیے ریاست وسکانسن سے اس رپورٹ میں
بھارت نے امریکی فضائی کمپنی کو سفری خدمات کی اجازت دے دی
نئی دہلی نے امریکہ کی فضائی کمپنیوں کو 23 جولائی سے بھارت کے لیے دوبارہ سفری خدمات انجام دینے کی اجازت دے دی ہے۔
یو ایس ٹرانسپورٹیشن ڈپارٹمنٹ کے مطابق بھارت نے کرونا وائرس کے پھیلاؤ کو روکنے کی غرض سے تمام شیڈول سروسز پر پابندی لگا دی تھی۔
پنجاب میں کیسز کی تعداد 90 ہزار تک پہنچ گئی
پاکستان کے سب سے بڑے صوبے پنجاب میں کرونا وائرس کے 328 نئے کیسز سامنے آنے کے بعد مجموعی تعداد 89793 ہو گئی ہے۔
پنجاب کے پرائمری اینڈ سیکنڈری ہیلتھ کیئر ڈپارٹمنٹ کے ترجمان کے مطابق کرونا وائرس سے 12 مزید ہلاکتیں ہوئی ہیں جس کے بعد کل تعداد 2079 ہو گئی ہے۔
حکام کے مطابق صوبے میں اب تک644077 ٹیسٹ کیے جا چکے ہیں۔ جب کہ 65436 متاثرہ افراد صحت یاب ہو چکے ہیں۔