پاکستان میں کرونا وائرس سے مزید 9 افراد ہلاک
پاکستان میں حکام نے کرونا وائرس سے گزشتہ 24 گھنٹوں میں مزید 9 افراد کے ہلاک ہونے کی تصدیق کی ہے۔
سرکاری اعداد و شمار کے مطابق پاکستان میں کرونا وائرس سے اب تک 6359 افراد کی موت ہو چکی ہے۔
پاکستان میں وائرس سے اموات کی شرح 2.1 فی صد ہے۔
کرونا بحران کے بھارتی معیشت پر برے اثرات
کرونا وائرس نے بھارت کی معیشت پر کاری ضرب لگائی ہے۔ سرکاری اعداد و شمار کے مطابق مالی سال 21-2020 کی پہلی سہ ماہی میں ملکی معیشت تقریباً 24 فی صد سکڑی ہے۔ اسی لیے کیسز میں اضافے کے باوجود معیشت کو کھولا جا رہا ہے اور لاکھوں لوگوں پر وبائی امراض کے تباہ کن اثرات کم کرنے کی کوشش کی جا رہی ہے۔
کرونا وبا میں پاکستان سے تعلقات مزید مضبوط ہوئے ہیں: چین
چین نے کہا ہے کہ کرونا وبا کے دوران پاکستان کے ساتھ اس کے تعلقات مزید مضبوط ہوئے ہیں۔
چین کی وزارتِ خارجہ کے ترجمان ژاؤ لیجیان نے پیر کو بیجنگ میں معمول کی نیوز بریفنگ کے دوران کہا کہ رواں سال کرونا وائرس کی عالمی وبا کے بعد چین اور پاکستان کے درمیان باہمی اعتماد اور تعاون بڑھنے سے دونوں ملکوں کے تعلقات مزید مضبوط ہوئے ہیں۔
ان کے بقول چین پاکستان اقتصادی راہداری (سی پیک) اتھارٹی قائم ہونے کے بعد اس منصوبے کی رفتار میں تیزی آئی ہے۔
کرونا وائرس کی ویکسین کب دستیاب ہو گی؟
عالمی ادارۂ صحت کے مطابق کرونا وائرس کی چھ سے نو ویکسینز تیاری کے تیسرے مرحلے میں داخل ہو چکی ہیں۔ لیکن ٹرائلز کی کامیابی کے باوجود ویکسین کو مارکیٹ میں لانے میں وقت لگے گا۔ دنیا بھر میں کرونا ویکسین کی تیاری کی کوششوں کا جائزہ دیکھیے صبا شاہ خان کی اس رپورٹ میں۔
