رسائی کے لنکس

پاکستان میں کرونا سے مزید 44 اموات، مثبت کیسز کی شرح کم ہونے لگی

سرکاری اعداد و شمار کے مطابق پاکستان میں گزشتہ 24 گھنٹوں میں 56 ہزار 260 ٹیسٹ کیے گئے جن کے مثبت آنے کی شرح 5.36 فی صد رہی۔ 24 گھنٹوں میں ہونے والی 44 اموات کے بعد وبا سے ہونے والی مجموعی ہلاکتیں 29 ہزار 731 ہو گئی ہیں۔

15:50 6.4.2021

نیوزی لینڈ: آسٹریلیا سے آنے والے افراد کے لیے قرنطینہ کی شرط ختم

نیوزی لینڈ کی وزیرِ اعظم جیسنڈا آرڈرن نے منگل کو اعلان کیا ہے کہ نیوزی لینڈ کی کابینہ نے آسٹریلیا سے آنے والوں کے لیے قرنطینہ کی شرط ختم کرنے کی منظوری دی ہے۔

وزیرِ اعظم جیسنڈا آرڈرن نے کابینہ سے تاریخ کی منظوری کے بعد اعلان کیا کہ 18 اپریل سے دو ہفتوں کے اندر ہی آسٹریلیا کے لیے قرنطینہ کے بغیر سفری تعلقات کا آغاز کیا جائے گا۔

نیوزی لینڈ نے آسٹریلیا سے آنے والوں کے لیے قرنطینہ کے بغیر سفر کی اجازت کا فیصلہ وبا کے باعث عائد کی جانے والی پابندیوں کے تقریباً ایک برس بعد کیا ہے۔

دوسری جانب آسٹریلیا نے نیوزی لینڈ کے شہریوں کو وبا کے باعث عائد پابندیوں کے چھ ماہ بعد ہی قرنطینہ کے بغیر منتخب ریاستوں میں آنے کی اجازت دی تھی۔

وزیرِ اعظم جیسنڈا آرڈرن نے اس فیصلے کو عالمی رہنمائی کے لیے اقدام قرار دیا ہے۔

خیال رہے کہ نیوزی لینڈ کی آبادی لگ بھگ 50 لاکھ ہے جہاں وبا کے باعث صرف 26 اموات رپورٹ ہوئی ہیں۔ جب کہ ڈھائی کروڑ آبادی والے ملک آسٹریلیا میں وبا سے ایک ہزار کے قریب افراد ہلاک ہو چکے ہیں۔

08:27 7.4.2021

کترینہ کیف بھی قرنطینہ میں چلی گئیں

فائل فوٹو
فائل فوٹو

بھارت میں کرونا وائرس کا پھیلاؤ تیزی سے بڑھ رہا ہے اور بالی وڈ کی ایک اور اسٹار کترینہ کیف بھی کرونا وائرس کا شکار ہو گئی ہیں۔

بالی وڈ فلم اسٹار کترینہ نے اپنے انسٹاگرام اکاؤنٹ پر جاری کیے گئے پیغام میں بتایا کہ ان کا کرونا وائرس کا ٹیسٹ مثبت آیا ہے جس کے بعد انہوں نے خود کو گھر پر قرنطینہ کر لیا ہے۔

انہوں نے اپنی پوسٹ میں لکھا کہ وہ ڈاکٹر کے مشورے کے مطابق تمام حفاظتی تدابیر پر عمل کر رہی ہیں۔

انہوں نے اپنے رابطے میں آنے والوں سے درخواست کی ہے کہ وہ فوری طور پر اپنا کرونا وائرس کا ٹیسٹ کرائیں۔

مزید پڑھیے

08:30 7.4.2021

تمام بالغ امریکی 19 اپریل سے کرونا ویکسین حاصل کر سکیں گے: بائیڈن

فائل فوٹو
فائل فوٹو

امریکی صدر جو بائیڈن نے منگل کے روز اعلان کیا ہے کہ 19 اپریل سے امریکہ کی تمام بالغ آبادی یعنی 16 برس سے زائد عمر کے تمام افراد کرونا وائرس کے خلاف تحفظ فراہم کرنے والی ویکسین حاصل کرنے کے اہل ہوں گے۔

اس سے قبل مذکورہ ہدف کے لیے بائیڈن حکومت نے یکم مئی کی تاریخ مقرر کی تھی۔

صدر بائیڈن نے کہا تھا کہ امریکہ میں 19 اپریل سے 90 فی صد بالغ آبادی کو ویکسین مل سکے گی، تاہم ویکسین کی رسد میں اضافے کے بعد اب انہوں نے اعلان کیا ہے کہ اب مکمل سو فی صد بالغ آبادی مذکورہ تاریخ سے ویکسین حاصل کر سکے گی۔

بائیڈن نے یہ اعلان امریکی ریاست ورجینیا میں قائم ایک ویکسین سینٹر کے دورے کے بعد وائٹ ہاؤس میں پہنچ کر کیا۔

مزید پڑھیے

08:48 7.4.2021

بھارت میں دوسری مرتبہ ایک لاکھ سے زیادہ کیسز رپورٹ

فائل فوٹو
فائل فوٹو

بھارت میں گزشتہ چوبیس گھنٹوں کے دوران ایک لاکھ سات ہزار ریکارڈ کیسز رپورٹ ہوئے ہیں۔ بھارت میں دوسری مرتبہ کرونا کیسز نے ایک لاکھ کا ہندسہ عبور کیا ہے۔

بھارت میں عالمی وبا کی شدت میں تیزی سے اضافہ ہو رہا ہے اور گزشتہ ایک ہفتے کے دوران یومیہ کیسز کی تعداد اوسطاً 90 ہزار کے لگ بھگ رپورٹ ہو رہی ہے۔

اتوار کو پہلی مرتبہ ایک لاکھ تین ہزار کیسز رپورٹ ہوئے تھے جس کے بعد بدھ کو دوبارہ ایک لاکھ سات ہزار کیسز رپورٹ ہوئے ہیں۔

مرکزی حکومت نے خبردار کیا ہے کہ اگلے چار ہفتے کرونا وائرس کے پھیلاؤ سے متعلق بہت تشویش ناک ہیں۔ شہری وبا کی دوسری لہر کے دوران اسے پھیلنے سے روکنے کے لیے تعاون کریں۔

مزید لوڈ کریں

XS
SM
MD
LG