کرونا کی عالمی وبا دیگر ویکسینز پروگرام کو کس طرح متاثر کر رہی ہے؟
گزشتہ 20 برسوں کے دوران دنیا بھر میں ویکسینز کے مختلف پروگراموں نے کئی جان لیوا بیماریوں کے خلاف لاکھوں افراد کی زندگی بچائی ہے۔ لیکن طبی ماہرین کے مطابق کووڈ 19 کی عالمی وبا نے کامیابی سے جاری ان پروگرامز کو متاثر کیا ہے۔ مزید جانتے ہیں فائزہ بخاری کی اس رپورٹ میں۔
وبا کے دوران ’ڈیٹنگ‘ کے نرالے انداز، ڈیٹنگ ایپس کا کاروبار چمک اٹھا
کرونا وائرس کی عالمی وبا کے دوران دنیا بھر میں جہاں ڈیٹنگ ایپس کے استعمال میں اضافہ ہوا، وہیں لوگوں کے ڈیٹنگ کے طریقہ کار میں بھی نمایاں فرق آیا۔
مشہور ڈیٹنگ ایپ ’ٹنڈر‘ نے رپورٹ کیا کہ 2020 میں ان کی ایپ سب سے زیادہ استعمال ہوئی۔ اس کے صارفین نے رواں برس جنوری سے مارچ تک استعمال کے پرانے ریکارڈ توڑ دیے ہیں۔
ایسے ہی ایک اور ایپ ’ہنج‘ کے مطابق ان کی 2019 کے مقابلے میں آمدنی میں تین گنا اضافہ ہوا ہے۔ کمپنی کو امید ہے کہ اس سال بھی ان کی آمدن پچھلے برس کے مقابلے میں دوگنی ہو سکتی ہے۔
وبا کے دوران صارفین کے رویے بدلنے کے ساتھ ساتھ ٹنڈر نے بھی اپنی ایپ میں نئے فیچر متعارف کروائے جن کے ذریعے لوگ ایک دوسرے کو بہتر طور پر جان سکتے ہیں۔ ان فیچرز میں صارفین اپنی پروفائل میں ویڈیوز بھی شامل کر سکتے ہیں اور ایک دوسرے سے ملنے سے قبل گفتگو بھی کر سکتے ہیں۔
امریکی شہریوں کو ویکسین لگوانے پر کیسے آمادہ کریں؟ درجنوں انفلوئنسرز کی خدمات حاصل کرنے کا فیصلہ
کووڈ ویکسین کے خلاف سوشل میڈیا پر پھیلائی جانے والی غلط معلومات کی روک تھام کے لئے وائٹ ہاؤس نے ایک نئے منصوبے کے تحت درجنوں انفلوئنسرز بالخصوص ٹک ٹاکرز اور یوٹیوبرز کی مدد حاصل کرنے کا فیصلہ کیا ہے۔
رواں برس مئی میں امریکہ کے صدر جو بائیڈن نے اپنے اعلیٰ ترین طبی مشیر اور متعدی امراض کے ماہر ڈاکٹر اینتھونی فاوچی کے ساتھ امریکی عوام میں ویکسین لگوانے کے موضوع پر یوٹیوب ٹاؤن ہال کی میزبانی کی تھی۔
اس یو ٹیوب ٹاون ہال میں میک اپ آرٹسٹ مینی ایم یو اے، جنگلی جانوروں کے ماہر چینل بریو وائلڈرنیس اور بیوٹی یوٹیوبر جیکی عینا بھی موجود تھیں، ان تینوں کے صارفین کی تعداد صرف یوٹیوب پر تقریباً دو کروڑ اسی لاکھ ہے۔
ان سوشل میڈیا اسٹارز نے ڈاکٹر فاؤچی سے کرونا وائرس اور ویکسین سے متعلق سوالات پوچھے۔ جیسے کہ کیا نوجوانوں کو واقعی ویکسین کی ضرورت ہے؟ کیا حکومت ویکسین پاسپورٹ جاری کرے گی اور والدین کو اپنے بچوں کو ویکسین لگانے کے بارے میں ان کے خدشات کو دور کرنے کے لیے کیا جاننا چاہیے۔