رسائی کے لنکس

شین وارن کے لیے تنقید کا خمیازہ 50ہزار ڈالر


شین وارن کے لیے تنقید کا خمیازہ 50ہزار ڈالر

آسٹریلیا کے مایہ ناز لیگ اسپنر شین وارن پرانڈین پریمئر لیگ کے دوران اپنی ٹیم کے ایک عہدیدار کو کھلے عام تنقید کانشانہ بنانے پر پچاس ہزار ڈالر کا جرمانہ عائد کیا گیا ہے۔

انڈین پریمئر لیگ کی طرف سے بدھ کو جاری ہونے والے ایک بیان میں کہا گیا ہے کہ اس واقعے سے مسٹر وارن آئی پی ایل سے کیے گئے اپنے معاہدے کی خلاف ورزی کے مرتکب ہوئے ہیں۔

وارن نے بنگلور رائلز کی ٹیم کے خلاف میچ کے بعد راجھستان کرکٹ ایسوسی ایشن کے سیکرٹری سنجے ڈکشت کو تنقید کا نشانہ بنایا تھا ۔ بعد ازاں انھوں نے اس واقعے پر معذرت بھی کی تھی۔

شین وارن راجھستان کی ٹیم کے کپتان ہیں اور اطلاعات کے مطابق وہ میچ کے لیے دی گئی پَچ پر ناخوش تھے۔ ان کا ارادہ ہے کہ وہ اس ٹورنامنٹ کے بعد ہر طرح کی کرکٹ سے ریٹائرہوجائیں۔

XS
SM
MD
LG