پاکستان کے مختلف حصوں سے طاقت ور زلزے کے جھٹکےمحسوس کیے جانے کی اطلاعات موصول ہوئی ہیں جس کی شدت ریکٹر اسکیل پر 6 اعشاریہ 8 تھی۔زلزلے سے ملک کے شمالی علاقوں میں املاک کو نقصان پہنچا اور اب تک کی خبروں کے مطابق 5 افراد ہلاک ہوئے ہیں۔ سری نگر سے وائس آف امریکہ کے زبیر ڈار کی اس ویڈیو میں دیکھا جا سکتا ہے کہ بھارت کے زیرِ انتظام کشمیر میں زلزلے کے جھٹکوں سے خوفزدہ ہو کر لوگ گھروں سے نکل آئے۔ زلزلے کے جھٹکے نئی دہلی میں بھی محسوس کیے گئے۔ زلزلہ پیما مرکز کے مطابق زلزلے کا مرکز افغانستان تھا اور 180 کلومیٹر کی گہرائی میں تھا۔ راولپنڈی میں زلزلے کے شدید جھٹکوں کے باعث کئی عمارتوں میں دراڑیں پڑ گئیں۔ گوجر خان میں دیوار گرنے سے گاڑی کو نقصان پہنچا۔ لوئر دیر میں زلزلے سے دیواریں گرنے سے ایک عورت سمیت دو افراد ہلاک اور متعدد زخمی ہو گئے۔ (ابتدائی رپورٹ)