کرونا وائرس کا پھیلاؤ روکنے کے لیے پاکستان سپر لیگ (پی ایس ایل) کے باقی میچز اسٹیڈیم میں شائقین کی عدم موجودگی میں ہو رہے ہیں۔ جمعے کو ملتان اور پشاور زلمی کے مابین میچ کے دوران کراچی کا نیشنل اسٹیڈیم بھی تماشائیوں سے خالی رہا۔ لیگ کے اب 3 میچ باقی ہیں جس کے بعد منگل کو دونوں سیمی فائنل کھیلے جائیں گے۔ بدھ کو لاہور میں فائنل منعقد کیا جائے گا۔ یہ تمام میچز بھی تماشائیوں کے بغیر ہوں گے۔
کرونا وائرس اور پی ایس ایل: پاکستان کے اسٹیڈیم ویران
1
کراچی کے نیشنل اسٹیڈیم میں جمعے کو ملتان سلطانز اور پشاور زلمی کے درمیان میچ کھیلا گیا۔ کرونا وائرس کا پھیلاؤ روکنے کے لیے اسٹیڈیم میں تماشائیوں کا داخلہ ممنوع تھا۔
2
میچ کے دوران اسٹیڈیم تماشائیوں سے خالی رہا۔
3
نیشنل اسٹیڈیم کے باہر موجود سیکیورٹی اہلکاروں نے بھی ماسک لگائے ہوئے تھے۔
4
میچ کے بعد کھلاڑی اور آفیشلز گراؤنڈ میں موجود ہیں جب کہ اسٹینڈز خالی دکھائی دے رہے ہیں۔