یورپی ملک جرمنی اور بیلجیم میں بارش اور سیلاب نے تباہی مچا دی ہے۔ مختلف حادثات و واقعات میں 60 سے زیادہ افراد ہلاک اور درجنوں لاپتا ہو گئے ہیں۔ حالیہ طوفان کے باعث دریا اور پانی جمع کرنے کے ذخائر بپھر گئے جو سیلاب کی وجہ بنے جس نے راتوں رات جرمنی اور بیلجیم کے کئی دیہی علاقوں کو اپنی لپیٹ میں لے لیا۔
جرمنی اور بیلجیم میں سیلاب کی تباہ کاریاں
1
جرمن ریاست رین لینڈ پیلاٹینیٹ کا ایک گاؤں شولڈ سیلابی ریلے سے سب سے زیادہ متاثر ہوا ہے جہاں متعدد گھر تباہ اور درجنوں افراد لاپتا ہو گئے ہیں۔
2
جرمن شہر ٹرائر کا ایک منظر جہاں سڑک پر امدادی کاموں میں مصروف ہیوی مشین بھی پانی میں ڈوب گئی ہے۔
3
جرمن ریاست رین لینڈ پیلاٹینیٹ کے قصبے میین کے مکین سڑک پر جمع پانی نکالنے کی کوشش کر رہے ہیں۔
4
بیلجیم کے شہری ورویئر میں بھی بارشوں اور سیلاب نے تباہی مچا دی ہے۔ پانی گھروں میں داخل ہونے سے شہریوں کو شدید مشکلات کا سامنا ہے۔