امریکہ کی مختلف ریاستیں اس وقت شدید ٹھنڈ کی لپیٹ میں ہیں اور ٹیکساس میں حال ہی میں آنے والے برفانی طوفان سے معمولاتِ زندگی متاثر ہوئے ہیں۔ برف باری کی وجہ سے لاکھوں شہری گھروں میں محصور ہو کر رہ گئے ہیں۔ جمعرات کو ٹیکساس، آرکنساس، مسی سپی اور ٹینیسی میں ساڑھے چار لاکھ سے زائد گھر بجلی سے محروم تھے۔ خبر رساں 'اے ایف پی' کے مطابق گزشتہ ہفتے کے دوران سڑکوں پر پھسلن کی وجہ سے پیش آنے والے حادثات میں 10 افراد ہلاک ہو چکے ہیں۔
