رسائی کے لنکس

logo-print

امریکی وزیرِدفاع ایران پر مذاکرات کے لیے سعودی عرب میں


امریکہ تہران کے خلاف اقوامِ متحدہ کی پابندیوں کی کسی چوتھی قسط کے لیے بین الاقوامی حمایت حاصل کرنے کی کوشش کررہا ہے

امریکی وزیرِ دفاع رابرٹ گیٹس ایران کےمتنازع جوہری پروگرام کے بارے میں مذاکرات کے لیے سعودی عرب میں ہیں۔

گیٹس، شاہ عبداللہ اور دوسرے سعودی عہدے داروں کو امریکہ کے زیرِ قیادت اُن کوششوں کی تازہ ترین صورتِ حال سے آگاہ کرنے کا ارادہ رکھتے ہیں، جن کا مقصد یورینیم افزودہ کرنے کے کام کو روک دینے سے انکار کرنے پر ایران کے خلاف نئى پابندیاں عائد کرنا ہے۔ امریکہ تہران کے خلاف اقوامِ متحدہ کی پابندیوں کی کسی چوتھی قسط کے لیے بین الاقوامی حمایت حاصل کرنے کی کوشش کررہا ہے۔

سعودی عرب نے نئى پابندیوں کی تائید نہیں کی ہے ۔ پچھلے مہینے سعودی وزیرِ خارجہ سعود الفیصل نے پابندیوں کو ایک ‘طویل المعیاد حل’ قرار دیا تھا۔

سعودی عرب کے اخبار الوطن کے ایڈیٹر نے وائس آف امریکہ کو بتایا ہے کہ ریاض، چین کو اس بات پر آمادہ کرنے کے لیے کہ وہ ایران کے خلاف نئى پابندیوں کی حمایت کرے ، خاموشی کے ساتھ کام کررہا ہے۔

چین، جو سلامتی کونسل کا ایک مستقل رُکن ہے ، سخت پابندیاں عائد کرنے سے ہچکچاتا رہا ہے۔

XS
SM
MD
LG