رسائی کے لنکس

حناربانی کھر آئندہ ہفتے جرمنی کا دورہ کریں گی


وزیر خارجہ حنا ربانی کھر
وزیر خارجہ حنا ربانی کھر

وزرائے خارجہ سطح کے مذاکرات میں پاکستان جرمن اسٹریٹیجک مذاکرات کا لائحہ عمل بھی وضع کیا جائے گا جس کے تحت دونوں ممالک کے مابین مختلف شعبوں میں تعاون کا طریقہ کار طے ہو گا۔

پاکستان کی وزیر خارجہ اپنے جرمن ہم منصب کی دعوت پر تین ستمبر سے جرمنی کا دورہ کریں گی۔

دفتر خارجہ سے جاری ہونے والے بیان میں کہا گیا کہ حنا ربانی کھر جرمن وزیر خارجہ سے باہمی دلچسپی کے دوطرفہ اُمور اور بین الاقوامی صورت حال پر بات چیت کریں گی۔

وزرائے خارجہ سطح کے مذاکرات میں پاکستان جرمن اسٹریٹیجک مذاکرات کا لائحہ عمل بھی وضع کیا جائے گا جس کے تحت دونوں ممالک کے مابین مختلف شعبوں میں تعاون کا طریقہ کار طے ہو گا۔

حنا ربانی کھر اپنے قیام کے دوران جرمن وزیر دفاع اور دیگر اعلیٰ حکام کے علاوہ وہاں آباد پاکستانیوں سے بھی ملاتیں کریں گی۔

یورپی ممالک میں جرمنی پاکستان کا سب سے بڑا تجارتی شراکت دار ہے اور 70 ہزار پاکستانی وہاں آباد ہیں۔
XS
SM
MD
LG