اٹلی میں کرونا وائرس کے پھیلاؤ میں تیزی کے باعث ملک 'لاک ڈاؤن' کا شکار ہے۔ دکانیں اور ریستوران بند اور گلیاں سنسان ہیں جب کہ سیکڑوں پروازیں منسوخ کر دی گئی ہیں۔ لاک ڈاؤن سے سیاحت کے شعبے کو شدید جھٹکا لگا ہے۔
اٹلی: کرونا وائرس سے سیاحت ٹھپ، شہر ویران
1
اٹلی میں کرونا وائرس سے ہلاکتوں میں مسلسل اضافہ ہو رہا ہے۔ چین کے بعد اٹلی دنیا کو دوسرا ملک ہے جس میں سب سے زیادہ ہلاکتیں رپورٹ ہوئیں۔ اب تک اٹلی میں اس وائرس سے 700 سے زائد افراد ہلاک ہو چکے ہیں۔
2
حکومت نے شہریوں کو گھروں میں رہنے اور تین اپریل تک غیر ضروری سفر سے گریز کی ہدایت کی ہے۔ نئی ہدایات کے تحت تمام بازار اور ریستوران شام چھ بجے بند کر دیے جائیں گے۔ ان پابندیوں اور لاک ڈاؤن سے چھوٹے کارباری افراد کو خاصا نقصان ہو رہا ہے اور وہ اپنے مستقبل کے حوالے سے خدشات کا شکار ہیں۔
3
اٹلی کا میٹرو اسٹیشن لاک ڈاؤن کے سبب بند ہے۔ پچھلے چھ ماہ کے مقابلے میں یہاں آنے والے مسافروں کی تعداد میں بڑے پیمانے پر کمی آئی ہے۔
4
روم کی ایک ویران سڑک جس کے کنارے گاڑیوں کی قطار ہے لیکن لوگ گھروں تک محدود ہیں اور شہریوں کی جانب سے غیر ضروری سفر بند ہے۔