جاپان کے ماؤنٹ اونتا کے آتش فشاں نے ہفتے کو اچانک بغیر کسی پیش گوئی کے لاوا اگلنا شروع کردیا۔ جب آتش فشاں پھٹا تو اُس وقت ماؤنٹ اوتا پر لگ بھگ 250 افراد موجود تھے۔ یہ پہاڑ جاپان کے دارالحکومت ٹوکیو سے 200 کلومیٹر کے فاصلے پر واقع ہے اور اس کی بلندی 3067 میٹر ہے۔ امدادی کارکنوں نے آتش فشاں کے پھٹنے کے بعد پیر کو لاپتا افراد کی دوبارہ تلاش کا کام شروع کیا جس کے دوران چوٹی کے قریب سے مزید پانچ لاشیں ملی ہیں جس کے بعد آتش فشاں پھٹنے سے ہونے والی ہلاکتوں کی تعداد 36 ہوگئی۔
جاپان میں آتش فشاں پھٹ پڑا
1
ماونٹ اونتا کے آتش فشاں پھٹنے سے دھوئیں کے بادل نکل رہے ہیں جو جاپان کے نگانو اور گیفو صوبوں تک پھیل چکے ہیں
2
ماونٹ اونتا کے پاس فوجی اور پولیس اہلکار ریسکیو آپریشن میں مصروف ہیں
3
اونتا آتش فشاں کے پھٹنے سے دھوئیں کے بادل نکل رہے ہیں
4
ریسکیو اہلکار لوگوں کو نکال کر محفوظ مقامات پر منتقل کرنے میں مصروف ہیں