بڑھتی گرمی کے ساتھ مشروبات کا بڑھتا کاروبار

کراچی جیسے بڑے شہر میں گرمی بھی بڑی پڑتی ہے، اور آج کل گرمی اپنے زوروں پر ہے۔ زیادہ تر لوگوں کے لیے یہ گرمی عذابِ جان ہوا کرتی ہے اور کچھ لوگوں کیلیے منافع بخش کاروبار۔ گرمی بڑھتے ہی کراچی کے کاروباری و رہائشی علاقوں میں ٹھنڈے مشروبات کا کاروبار اپنے عروج پر پہنچ جاتا ہے۔ دن بھر گرمی میں کام کاج کرے والے لوگ اپنی پیاس بجھانے کیلیے ان ٹھیلوں اور دُکانوں کا رُخ کرتے ہیں جہاں فرحت بخش اور ٹھنڈے مشروبات دستیاب ہوں۔