رسائی کے لنکس

logo-print

کینیا کے ڈیم میں شگاف پڑنے سے کم ازکم 47 افراد ہلاک


کینیا کے علاقے سولائی میں پاٹل ڈیم کا مقام۔ فائل فوٹو

کینیا کی وادی رفت میں ایک ڈیم میں شگاف پڑنے سے کم ازکم 47 افراد ہلاک ہو گئے۔

نیروبی کے شمال مغرب میں تقریباً 150 کلو میٹر کے فاصلے پر سولائی میں قائم پاٹل ڈیم میں شگاف پڑنے کے بعد پانی کے تیز ریلے لا تعداد گھروں اور دکانوں کو بہا کر لے گئے۔

عہدے داروں کا کہنا ہے کہ 40 افراد کو ڈوبنے سے بچا کر علاج معالجے کے لیے اسپتال پہنچا دیا گیا ہے۔ امدادی کارکن پانی میں ممکنہ طور پر پھنسے ہوئے مزید لوگوں کو ڈھونڈ رہے ہیں۔

پچھلے دو مہینوں کے دوران علاقے میں شاید بارشیں ہوتی رہی ہیں جس کے نتیجے میں پہلے ہی سیلابوں اور مٹی کے تودے پھسلنے سے 130 سے زیادہ افراد ہلاک ہو چکے ہیں۔

کینیا کی حکومت نے کہا ہے کہ شديد بارشوں اور طغیانیوں سے 2 لاکھ 20 ہزار سے زیادہ افراد بے گھر ہو چکے ہیں۔

فیس بک فورم

XS
SM
MD
LG