ہولی، دیوالی کے بعد ہندوؤں کا دوسرا بڑا تہوار سمجھا جاتا ہے جو اس سال 10 مارچ کو پورے بھارت میں منایا جائے گا تاہم بھارت کے کچھ شہروں میں ہولی کی تقریبات مختلف ناموں سے ایک ہفتہ قبل ہی شروع ہو جاتی ہیں۔ 'لٹھ مار ہولی' بھی انہی میں سے ایک ہے۔
'لٹھ مار ہولی' کی روایت
1
ہولی کے تہوار میں رنگوں کے علاوہ لٹھ مار ہولی کا کھیل بھی کھیلا جاتا ہے۔ اس دوران مرد اور خواتین رقص بھی کرتے ہیں۔
2
ہولی تو پورے بھارت میں منائی جاتی ہے لیکن ریاست اتر پردیش کے شہر متھرا کی ہولی سب سے مشہور ہے۔ یہ علاقہ کرشن اور رادھا، دیوتا اور دیوی سے منسوب ہے۔
3
لٹھ مار ہولی میں خواتین مردوں کو لٹھ مارتی ہیں، جس سے مردوں کو بچنا ہوتا ہے۔ مردوں کے پاس ایک حفاظتی تختہ ہوتا ہے۔ جس سے وہ اپنا سر بچاتے ہیں۔
4
لٹھ مار ہولی کو دیکھنے پورے بھارت سے لوگ ان علاقوں کا رُخ کرتے ہیں۔