کرونا وائرس سے سب سے پہلے چین کے صوبے ہوبئی کا شہر ووہان متاثر ہوا تھا۔ ووہان سے میں وائرس سے ہلاکتیں سامنے آنے کے بعد چینی حکومت نے شہر اور صوبے کا لاک ڈاؤن کیا اور کئی ہفتوں تک یہ لاک ڈاؤن جاری رہا۔ چینی صوبے ہوبئی میں دو ماہ کے لاک ڈاؤن کے بعد زندگی معمول کی طرف لوٹنا شروع ہوگئی ہے اور رونقیں بحال ہوتی جا رہی ہیں۔
چین میں زندگی معمول پر آنے لگی
1
چین کے وسطی شہر ووہان میں تعمیراتی کام دوبارہ شروع ہوگئے ہیں۔ مزدور اپنے اپنے کاموں لگ گئے ہیں لیکن احتیاطاََ اب بھی ماسک پہنے ہوئے ہیں۔
2
دوسرے ممالک کی طرح چین میں بھی سڑکوں پر پھلوں کی خرید و فروخت روزانہ کا معمول ہے۔ لاک ڈاؤن کے بعد یہ خرید و فروخت دوبارہ شروع ہو گئی ہے۔
3
چین میں سیاحت کے لیے استعمال ہونے والی گاڑیاں لاک ڈاؤن کے باعث چلنا بند ہوگئی تھیں مگر اب انہیں دوبارہ سڑکوں پر چلتے ہوئے دیکھا جاسکے گا۔
4
ژنگ ژو کی دیوار بھی دیوار چین کی طرح مقامی سیاحوں کی دلچسپی کا باعث ہے اور سیکڑوں افراد یومیہ یہاں سیر کرنے آتے ہیں۔