روس کا ایک عمر رسیدہ جوڑا بڑھتی ہوئی عمر کو صرف سالوں کا ایک مجموعہ قرار دیتا ہے۔ 86 سالہ لیوکیتایوف اور ان کی 82 سالہ اہلیہ مایہ کچینہ ضعیف ہونے کے باوجود ماسکو میں رقص کرتے ہیں۔ ضعیف جوڑے کے روس میں بہت سے مداح ہیں۔
'رقص کے لیے عمر کی کوئی حد نہیں'
1
ریٹائرمنٹ کے بعد اس بزرگ جوڑے نے رقص کے ذریعے اپنی آمدنی بڑھانے کا سوچا۔ ان کا رقص اس قدر مشہور ہوا کہ اب تک وہ کئی انعامات جیت چکے ہیں۔
2
کچینہ کا کہنا ہے کہ انہیں ڈانس کا بہت شوق ہے اور اس سے بہت راحت محسوس کرتی ہیں۔ ان کا کہنا ہے کہ دوسری جنگ عظیم کے بعد اُن کی والدہ اُنہیں ماسکو کے ایک تھیٹر میں لے گئی۔ جہاں اُن میں ڈانس کا شوق پیدا ہوا۔
3
کچینہ کہتی ہیں کہ اُن کے والد فوج میں تھے اور ایک شہر سے دُوسرے شہر اُن کا تبادلہ ہوتا رہتا تھا۔ لیکن ان حالات میں بھی وہ رقص کی تربیت حاصل کرتی رہیں۔
4
کچینہ کے بقول 20 سال پہلے جب اپنے شوہر کے ساتھ ڈانس فلور پر رقص کرنا شروع کیا تو احساس ہوا کہ ابھی بھی بہت کچھ سیکھنا باقی ہے۔ لہذٰا میں نے کیتایوف سے بھی بہت کچھ سیکھا ہے۔