پاکستان میں ماہِ رمضان کا پہلا عشرہ جاری ہے۔ اس مہینے میں جہاں مسلمان عقیدت و احترام سے روزے رکھتے ہیں اور خصوصی عبادات کا اہتمام کرتے ہیں، وہیں اس ماہ میں ہر مسلمان اپنی استطاعت کے مطابق زیادہ سے زیادہ روزہ داروں کو افطار کرانے کی بھی کوشش کرتا ہے۔
تصاویر: پاکستان میں رمضان
1
عوامی مقامات پر لگائے جانے والے ان دستر خوانوں پر عام افراد کے علاوہ مسافروں کی بھی بڑی تعداد روزہ افطار کرتی ہے۔ یہ تصویر اسلام آباد کے ایک ایسے ہی دسترخوان کی ہے جہاں روزے دار افطار کے وقت کے منتظر ہیں۔
2
کراچی میں ایک سڑک کے کنارے کی جانے والی اجتماعی افطار کا منظر۔
3
غربت اور بڑھتی ہوئی مہنگائی کے باعث لوگ بڑی تعداد میں افطار کے وقت مخیر حضرات کی جانب سے لگائے گئے دستر خوانوں کا رخ کرتے ہیں۔ یہ منظر کراچی کے ایک علاقے کا ہے جہاں روزے دار ایسے ہی ایک دسترخوان پر موجود ہیں۔
4
لاہور میں رمضان کے پہلے جمعے کو نمازی نمازِ جمعہ ادا کر رہے ہیں۔