راولپنڈی ٹیسٹ میں پاکستان نے بنگلہ دیش کے خلاف چوتھے دن ہی کامیابی اپنے نام کر لی۔ بنگلہ دیش کو ایک اننگز اور 44 رنز سے شکست ہوئی۔ کھیل کے تیسرے روز پاکستانی کھلاڑی نسیم شاہ نے ہیٹرک کی۔ وہ ٹیسٹ کرکٹ میں ہیٹرک کرنے والے کم عمر ترین کھلاڑی ہیں۔ یوں انہوں نے ورلڈ ریکارڈ اپنے نام کیا۔ میچ میں کامیابی کے ساتھ ہی میزبان ٹیم کو دو میچز کی سیریز میں ایک صفر کی برتری بھی حاصل ہو گئی ہے۔
پہلا ٹیسٹ پاکستان کے نام، نسیم شاہ میچ کے بہترین کھلاڑی قرار
1
میچ میں ہیٹرک کرنے اور پانچ وکٹیں حاصل کرنے والے فاسٹ بالر نسیم شاہ کو میچ کا بہترین کھلاڑی بھی قرار دیا گیا۔ وہ ٹیسٹ کرکٹ میں ہیٹ ٹرک کرنے والے کم عمر ترین بالر بھی بن گئے ہیں۔
2
بنگلہ دیش کے کھلاڑی ایک کے بعد ایک آؤٹ ہوتے چلے گئے اور یوں پاکستانی ٹیم کو ہر وکٹ پر جشن منانے کا موقع ملتا رہا۔
3
میچ کے چوتھے روز مہمان کھلاڑی مومن الحق کی وکٹ گری تو کھلاڑیوں نے شاہین شاہ آفریدی کی بھر پور حوصلہ افزائی کی۔
4
مومن الحق شاہین شاہ آفریدی کی گیند پر ایل بی ڈبلیو ہوئے۔ انہوں نے 41 رنز کی اننگز کھیلی جس میں پانچ چوکے بھی شامل تھے۔