فرانسیسی بحریہ کا روسی مال بردار جہاز تحویل میں لینے کا دعویٰ
امریکی خبر رساں ادارے 'ایسوسی ایٹڈ پریس' کے مطابق فرانسیسی بحریہ نے انگلش چینل میں ایک روسی مال بردار بحری جہاز تحویل میں لے لیا ہے۔
فرانسیسی حکام کا کہنا ہے کہ روسی بحری جہاز یورپی یونین کی جانب سے روس پر عائد کی گئی پابندیوں کی روشنی میں تحویل میں لیا گیا ہے۔
ایک سو تیس میٹر طویل روسی بحری جہاز شمالی فرانس سے سینٹ پیٹرزبرگ جا رہا تھا۔
فرانسیسی حکام کا کہنا ہے کہ جہاز کو تحویل میں لے کر جائزہ لیا جا رہا ہے کہ آیا یہ پابندیوں کی زد میں آتا ہے یا نہیں۔
کیف میں شام پانچ بجے سے صبح آٹھ بجے تک کرفیو نافذ
روسی حملے اور کیف میں لڑائی کے باعث مقامی حکام نے شام پانچ بجے سے صبح آٹھ بجے تک کرفیو نافذ کر دیا ہے۔
یوکرینی جریدے 'کیف انڈپینڈنٹ' کے مطابق حکام نے خبردار کیا ہے کہ ان اوقات کے دوران کوئی بھی شخص سڑکوں پر نظر آیا تو اسے تخریب کار سمجھا جائے گا۔
اخبار نے دعویٰ کیا ہے کہ جنگ کے آغاز سے لے کر اب تک دو بچوں سمیت 198 افراد ہلاک ہو چکے ہیں جب کہ ایک ہزار سے زائد زخمی ہیں۔
روس کا حملہ: یوکرینی بچے پناہ گاہوں میں رہنے پر مجبور
یوکرین پر حملہ: امریکہ کی روس پر پابندیاں
یوکرین پر روس کے حملے کو دور روز گزر چکے ہیں۔ اس حملے پر امریکہ سمیت مختلف ممالک نے سخت ردِعمل دیا ہے۔ صدر جو بائیڈن نے اپنے خطاب میں روس پر پابندیاں عائد کرنے کا اعلان کیا ہے۔ یہ پابندیاں کیا ہیں؟ جانتے ہیں نیلو فر مغل سے۔