تھائی لینڈ میں حکومت مخالف احتجاج کے بعد حکام نے جمعرات کی علی الصباح ایمرجنسی نافذ کر دی ہے۔ پولیس نے مظاہرین کے خلاف کریک ڈاؤن کے دوران متعدد مظاہرین کو حراست میں لے لیا ہے جب کہ چار سے زائد افراد کے اجتماع پر پابندی ہے۔ مظاہرین وزیرِ اعظم سے استعفے کے علاوہ شاہی خاندان کی سیاسی معاملات میں مداخلت ختم کرنے کا مطالبہ کر رہے ہیں۔
تھائی لینڈ میں مظاہرین کے خلاف کریک ڈاؤن
5
ایمرجنسی کا اعلان وزیرِ اعظم آفس کی جانب سے جمعرات کی صبح کیا گیا جس کے فوری بعد پولیس نے وزیرِ اعظم آفس کے باہر احتجاج کے لیے جمع ہونے والے مظاہرین میں سے 20 کو حراست میں لے لیا۔
6
جمہوریت کے حامی مظاہرین نے وزیرِ اعظم ہاؤس جانے کی کوشش کی تاہم پولیس نے اُنہیں آگے نہیں بڑھنے دیا جس پر مظاہرین سڑکوں پر دھرنا دے کر بیٹھ گئے۔
7
ایمرجنسی کے نفاذ سے ایک روز قبل بنکاک میں جمہوریت کی یادگار کے سامنے ہزاروں مظاہرین جمع ہوئے۔ مظاہرین نے تھائی بادشاہ کے قافلے کے سامنے 'ہنگر گیم سیلوٹ' کیا جو فوجی حکومت کے خلاف مزاحمت کی علامت سمجھا جاتا ہے۔
8
مظاہرین کا مطالبہ ہے کہ وزیرِ اعظم اپنے عہدے سے استعفیٰ دیں اور ملک میں شفاف انتخابات کرائے جائیں۔