امریکہ کے صدر ڈونلڈ ٹرمپ نے اسقاط حمل مخالف سالانہ ریلی میں شرکت کی۔ واشنگٹن میں ریلی سے خطاب کرتے ہوئے امریکی صدر نے کہا کہ ان کے لیے یہ فخر کی بات ہے کہ وہ اس ریلی میں شرکت کرنے والے تاریخ کے پہلے امریکی صدر ہیں۔ نیشنل مال پر ’مارچ فار لائف‘ میں بڑی تعداد میں شہری شریک ہوئے۔ ڈونلڈ ٹرمپ نے ریلی سے خطاب میں کہا کہ پیدا ہونے والا ہر بچہ پیار کی علامت ہوتا ہے۔ ہر بچہ خاندان کے لیے خوشی لاتا ہے۔ ہر شخص کا تحفظ کیا جانا چاہیے۔ رواں برس نومبر میں ہونے والے صدارتی انتخاب میں امریکی صدر اپنی حمایت بڑھانے کے لیے کوشاں ہیں۔ اس ہفتے کے اوائل میں، اسقاط حمل مخالف تنظیم، ’سوزن بی اینتھنی لسٹ‘ نے کہا تھا کہ وہ نومبر میں ہونے والے انتخابات میں ٹرمپ اور دیگر ری پبلیکن امیدواروں کی حمایت میں پانچ کروڑ 20 لاکھ ڈالر کا عطیہ دیں گے۔
ٹرمپ کی اسقاط حمل مخالف ریلی میں شرکت
5
ریلی میں شریک افراد نے اسقاط حمل مخالف کتبے بھی ہاتھوں میں تھامے ہوئے تھے۔
7
امریکہ میں ہر برس اسقاط حمل مخالف مارچ منقعد ہوتے ہیں جن میں بڑی تعداد میں لوگ شریک ہوتے ہیں۔
8
ریلی میں ہر عمر اور ہر طبقے کے افراد شریک نظر آ رہے تھے۔
9
امریکی دارالحکومت میں منقعدہ ریلی سے خطاب میں ڈونلڈ ٹرمپ نے یہ کہتے ہوئے ڈیموکریٹس پر تنقید بھی کی کہ اسقاط حمل کے معاملے پر انیوں نے ایک انتہائی قدامت پسند مؤقف اختیار کر رکھا ہے۔