ترکی کے شہر استنبول کے سبیہا گوکچین ائیر پورٹ پر جمعرات کو ایک مسافر طیارہ رن وے سے پھسل کر تباہ ہو گیا۔ حادثے میں طیارہ تین حصوں میں تقسیم ہوگیا جب کہ تین افراد ہلاک اور 157 زخمی ہو گئے۔
ترکی میں طیارے کو حادثہ، تین حصوں میں تقسیم
1
طیارہ ازمیر ایئر پورٹ سے روانہ ہوا تھا جس میں 177 مسافر اور عملے کے 6 ارکان سوار تھے۔ طیارہ خراب موسم کی وجہ سے رن وے سے پھسلتے ہوئے اور پچاس ساٹھ میٹر دور چلا گیا تھا۔
2
متاثرہ طیارے کا تعلق پیگاسس ایئر لائنز سے تھا۔ حادثے کے فوری بعد آگ بجھانے والے عملے نے اپنا کام شروع کر دیا۔
3
حادثے کے ابتدائی شواہد جمع کرنے کے لیے پولیس نے پیگاسس ایئر لائنز کے طیارے کو گھیرے میں لیا۔
4
ایئر لائنز سے وابستہ تیکنیکی عملے نے طیارے کے ملبے کا تفصیلی جائزہ لیا۔ تاہم حادثے کی وجوہات کا فوری طور پر علم نہیں ہو سکا ہے۔