رسائی کے لنکس

logo-print

ویتنام اور کمبوڈیا میں برڈ فلو سے ہلاکتیں


ویتنام اور کمبوڈیا میں برڈ فلو سے ہلاکتیں

ویتنام میں بطخ کے فارم کا مالک اس ملک میں گزشتہ دو سالوں میں برڈ فلو سے ہلاک ہونے والا پہلا شخص ہے جب کہ پڑوسی ملک کمبوڈیا میں بھی اسی بیماری سے ایک ہلاکت کی اطلاع موصول ہوئی ہے۔

ویتنام میں جمعرات کو حکام نے بتایا کہ 18 سالہ نوجوان میکانگ کے جنوبی علاقے میں شدید بخار اور سانس میں تکلیف کے بعد ہلاک ہوا۔ تفتیش کار ابھی تک یہ تعین نہیں کرسکے کہ آیا اسے یہ بیماری اپنے پرندوں سے لگی تھی یا نہیں۔

دریں اثناء کمبوڈیا میں ایک دو سالہ بچہ شدید زکام و بخار میں مبتلا ہوکر ہلاک ہوگیا۔ حکام کے مطابق اسے یہ بیماری مردہ یا بیمار پرندوں کے قریب جانے سے لگی۔

یہ وائرس عموماً متاثرہ پرندوں سے براہ راست ان لوگوں میں منتقل ہوتا ہے جو ان کے قریب ہوتے ہیں۔

2003ء میں پہلی بار تشخیص ہونے والے H5N1 وائرس سے دنیا بھر میں 340 افراد ہلاک ہوچکے ہیں۔

2006ء میں یہ دنیا کے لگ بھگ 63 ممالک میں پھیل گیا تھا۔ اس وائرس سے کمبوڈیا میں 17 اور ویتنام میں 60 افراد ہلاک ہوئے تھے۔ حالیہ مہینوں میں چین، بھارت، انڈونیشیا اور مصر میں اس وائرس کے کیسز سامنے آئے ہیں۔

XS
SM
MD
LG