پاکستانی شوبزکے اداکاروں کے درمیان اٹھنے والے تنازع نے گویا پنڈورا بکس کھول دیا ہے ۔ اور میشا شفیع کے بعدتین اور خواتین نے بھی علی ظفرپر الزام لگایا ہے کہ وہ انہیں بھی جنسی طور پر ہراساں کر چکے ہیں۔
راک اسٹارعلی ظفر پر نئے الزامات پاکستانی میڈیا کی اہم خبربن گئے ہیں۔ لاہور کی ایک خاتون لیکچرر،ایک میک اپ آرٹسٹ او رایک خاتون بلاگرنے الزام لگایا ہے کہ وہ بھی میشاشفیع کی طرح علی ظفر کے ہاتھوں جنسی ہراساں کیے جانے کا نشانہ بن چکی ہیں۔
سوشل میڈیا پر میشا شفیع کی جانب سے آواز اٹھانے اور چپ توڑنے کو سراہتے ہوئے ان خواتین کا کہنا تھا کہ میشا نے بہادری کا کام کیا ہے۔
لاہورمیں رہائش پذیرخاتون لیکچرر ماہم جاوید نے اپنے ٹویٹ میں کہا ہے کہ کئی سال پہلے علی ظفرنےان کی ایک کزن کے زبردستی قریب آنے کی کوشش کی اور انہیں ریسٹ روم لے جانا چاہا جسے ان کی کزن کی دوستوں نے ناکام بنا دیا۔
So @itsmeeshashafi%27s brave sharing of her experience reminded me of a story about @AliZafarsays from many many years ago, when Ali Zafar tried to kiss my cousin and pull my cousin into a restroom with him. Luckily my cousin%27s friends were there to push Ali Zafar off https://t.co/kBQbBiwyFP
— Maham Javaid (@JMaham) April 19, 2018
ٹویٹ میں کہا گیا ہے کہ یہ واقعہ2004یا2005کا ہے لیکن اس زمانے میں اس طرح کے واقعات پر بات نہیں کی جاتی تھی۔ علی ظفرایک سلیبرٹی تھا اور کوئی ہماری بات پر یقین بھی نہیں کرتا اس لئے کسی سے کچھ نہیں کہا۔
شوبز کی دنیا سے بطور میک اپ آرٹسٹ وابستہ لینا غنی بھی کچھ اسی نوعیت کا دعویٰ کیا ۔ لینا کا کہنا ہے کہ علی ظفر نے متعدد موقعوں پر ان سے اخلاق سے گری ہوئی گفتگو کی اور حد سے تجاوز کیا۔ ان کا کہنا تھا کہ اس وقت میں نے علی ظفر کی حرکات کو نظرانداز کرنے کی کوشش کی تھی لیکن اب لگتا ہے کہ سچائی کو سامنے لایا جانا چاہیے۔
Thank you @itsmeeshashafi for your courage and your bravery. It’s never easy. But that should never silence us. I am in total solidarity with you. You are not alone in this because #Metoo #TimesUp #WeBelieveYou pic.twitter.com/hkQ61bqnFH
— Leena (@Leena_Ghani) April 19, 2018
ایک خاتون بلاگر حمنہ رضا نے بھی سوشل میڈیا پر علی ظفر پرایک تقریب میں سیلفی لینے کے دوران غیر اخلاقی حرکت کرنے کا الزام لگایا ہے۔
انہوں نے کہا ہے کہ ایک تقریب کے دوران علی ظفر نے سیلفی لیتے ہوئے ان سے غیر اخلاقی حرکت کی تھی۔ میں نے اپنے دوستوں کو علی ظفر کی حرکت کے بارے میں بتایا اور ہم سب اس بات پر متفق تھے کہ علی ظفر اپنے حواس میں نہیں تھے۔
@itsmeeshashafi you’re not alone. Please read this. #metoo @merabichrayaar @HaadeaP pic.twitter.com/3KzIenHnQn
— Humna Raza (@HumnaRaza) April 19, 2018
ادھر سوشل میڈیا پر سرگرم شوبز سلیبریٹیز میں سے کچھ نے علی ظفر کا ساتھ دیا تو کسی نے میشا شفیع کا۔
اداکار عثمان خالد بٹ نے کہا ہے کہ میشا نے سستی شہرت حاصل کرنے کے لئے سب کچھ کیا ہے۔
علی ظفر کی آنے والی فلم’ طیفا ان ٹربل‘ میں ان کی ساتھی اداکارہ مایا علی کا کہنا تھا کہ میں علی کے ساتھ ایک سال سے کام کررہی ہوں اور میں نے ان کی جانب سے کبھی کچھ غلط محسوس نہیں کیا۔
And this is what #MayaAli had to say #meeshashafi #alizafar pic.twitter.com/h0CJlo4euC
— Karachista (@karachista) April 19, 2018
اداکارہ عروہ حسین نے میشا شفیع کے حق میں آواز بلند کرتے ہوئے ان کی بہادری کوسراہا ہے ۔
میشا شفیع نے گزشتہ روز علی ظفر پر جنسی طور پر ہراساں کرنے کا الزام لگایا تھا، جبکہ علی ظفرنے ان الزامات کو مسترد کرتے ہوئے کہا تھا کہ وہ اس کے خلاف عدالت میں جائیں گے۔