برطانوی نشریاتی ادارے سکائی نیوز نے حال ہی میں ایک ٹویٹ جنوبی کوریا میں کرونا وائرس کے بعد کی صورتحال کے بارے میں کی تھی ۔ اس ٹویٹ میں دو ہزار سترہ میں 'بی بی سی ڈیڈ' کے نام سے مشہور ہونے والے پروفیسر رابرٹ کیلی اپنے گھر کی سٹڈی میں بیٹھے یہ کہ رہے تھے کہ جنوبی کوریا میں کرونا وائرس کے 160 نئے کیسز نظر آنے کے بعد لوگ اپنے معمولات زندگی بدلنے پر مجبور ہو جائیں گے مگر ٹویٹر صارفین مسلسل دو دن سے اس ٹویٹ کے جواب میں کچھ اور ہی سوال کر رہے ہیں۔
سب کا ایک ہی سوال ہے کہ ’’بچے کہاں ہیں۔‘‘
کوریائی خطے کے امور پر مہارت رکھنے والے امریکی تجزیہ کار پروفیسر رابرٹ کیلی ’’بی بی سی ڈیڈ‘‘ کے نام سے تب مشہور ہوئے تھے، جب بی بی سی کو ایک براہ راست انٹرویو کے دوران ان کے بچے ان کی اسٹڈی میں کھیلتے کودتے داخل ہو گئے تھے۔ اس واقعے کو 2017 کے دوران ٹی وی کا سب سے بہترین لمحہ قرار دیا گیا تھا۔
سکاٹ گیلووے نے لکھا کہ "بچے کہاں ہیں؟’’
WHERE ARE THE KIDS https://t.co/QTTxdXIhIF
— Scott Galloway (@profgalloway) February 24, 2020
ہانا پراکٹر نے لکھا کہ آپ جو فرما رہے ہیں وہ تو ٹھیک ہے مگر بچے کہاں ہیں۔ ہم سب تو مسلسل آپ کے بند دروازے کو دیکھ رہے ہیں جہاں آپ نے سارا سسپنس چھپا رکھا ہے۔
Yeah, but where are the kids? All we’re doing is watching that door while you keep us all in suspense! https://t.co/fQFa6KDLD9
— Hannah Proctor (@HannahRProctor) February 25, 2020
نامراد نامی ایک اکاؤنٹ نے لکھا کہ پروفیسر ہمیں اس سے مطلب ہے کہ اس بارے میں آپ کے بچوں کی کیا رائے ہے؟
ایک اور صارف نے کہا کہ یہ تو درست ہے کہ رابرٹ کیلی کے پاس بہت سی ڈگریاں ہیں مگر پوری دنیا ان کی بیٹی میرین کو دیکھنا چاہتی ہے۔
Unfortunately for Robert Kelly and his many degrees, the world just wants more Marion. pic.twitter.com/qWzVJiBULi
— Cat Runcie (@CatRuncie) February 24, 2020