کرکٹ ورلڈ کپ کے سیمی فائنل میں نیوزی لینڈ کے ہاتھوں شکست پر بھارت میں سوگ جیسی کیفیت رہی۔ شائقین ہی نہیں، سابق کھلاڑی بھی ششدر اور مایوس ہیں۔ کچھ نے ٹیم کی پرفارمنس کو تنقید کا نشانہ بنایا جبکہ کچھ کے خیال میں پلیئنگ کنڈیشنز نے میچ کو متاثر کیا۔
بھارتی وزیر اعظم نریندر مودی نے ٹیم کی شکست پر ٹوئیٹ کیا۔ ایک مایوس کن نتیجہ۔ لیکن یہ دیکھنا اچھا تھا کہ بھارتی ٹیم نے آخر تک جدوجہد کی۔ کھلاڑیوں نے پورے ٹورنامنٹ میں بیٹنگ، بولنگ اور فیلڈنگ میں عمدہ کارکردگی پیش کی جس پر ہم سب کو فخر ہے۔ ہار اور جیت کھیل کا حصہ ہے۔ ٹیم کے لیے نیک خواہشات۔
سچن ٹنڈولکر نے ٹائمز آف انڈیا سے گفتگو کرتے ہوئے کہا کہ انھیں مایوسی ہوئی کیونکہ ٹیم کو 240 رنز کا ہدف حاصل کرنا چاہیے تھا۔ یہ بڑا مجموعہ نہیں تھا۔ نیوزی لینڈ نے تین وکٹیں لے کر اچھا آغاز کیا۔ لیکن میرا خیال ہے کہ ہر بار روہت شرما پر انحصار کرنا کہ وہ اچھا آغاز دیں گے یا ورات کوہلی آکر مضبوط بنیاد فراہم کریں گے، یہ سوچنا ٹھیک نہیں تھا۔ دوسرے کھلاڑیوں کو ذمے داری لینی چاہیے تھی۔
"ٹنڈولکر نے ٹویٹ کیا کہ جڈیجا اور دھونی نے اچھا مقابلہ کیا۔ لیکن بلیک کیپس نے بہت شاندار کھیلا۔ فائنل میں پہنچنے پر مبارک، میرے خیال میں ویلیمسن کی کپتانی اور کمپوژر کا اس جیت میں بڑا کردار تھا۔"
💔 just like every 🇮🇳 supporter.A good fight put up by @imjadeja & @msdhoni but @BLACKCAPS were exceptional today.Congrats to 🇳🇿 on making it to the Finals & all the best for the same.I felt #KaneWilliamson’s captaincy & composure played a crucial role in this result.#NZvIND pic.twitter.com/3sUlW21cgN
— Sachin Tendulkar (@sachin_rt) July 10, 2019
سابق کپتان سارو گنگولی سمجھتے ہیں کہ مہندرا سنگھ دھونی کو ٹھنڈے دماغ سے نہ صرف خود کھیلنا چاہیے تھا بلکہ نوجوان بیٹسمینوں کی رہنمائی بھی کرنا چاہیے تھی۔ ان کے ساتویں نمبر پر بیٹنگ کرنے کی بھی کوئی تُک نہیں تھی۔ تجربہ کار بیٹسمین کو پہلے وکٹ پر آ جانا چاہیے تھا۔ رشبھ پنت نے ایک ایسے موقع پر اسپنر پر اونچا شاٹ کھیلا جب وہ سیٹ ہو چکے تھے اور ہدف حاصل کرنے کے لیے آخر تک جا سکتے تھے۔
سابق ٹیسٹ کرکٹر سنجے منجریکر کی حال میں ٹوئیٹر پر موجودہ ٹیم کے رکن رویندرا جڈیجا سے تلخ کلامی ہوئی تھی۔ سیمی فائنل میں جڈیجا نے 77 رنز کی اننگز کھیلی۔ لیکن وہ ٹیم کو شکست سے نہ بچا سکے۔ سنجے منجریکر نے میچ کے بعد ٹوئیٹ کیا، ویل پلیڈ جڈیجا۔
دوسری طرف بھارت میں سوشل میڈیا پر ڈو ںاٹ ریٹائر دھونی کا ہیش ٹیگ مقبول ہے۔ جہاں بھارتی کرکٹ شائقین مہندرا سنگھ دھونی سے گزارش کر رہے ہیں کہ وہ انٹرنیشنل کرکٹ کو خیر آباد نہ کہیں۔
بھارت کی مایہ ناز گلوکارہ لتا منگیشکر نے دھونی کو ٹویٹ میں لکھا کہ "ملک کو آپ کی ضرورت ہے اور آپ ریٹائرمنٹ کی سوچ بھی اپنے دل میں نہ لائیں" ۔
Namaskar M S Dhoni ji.Aaj kal main sun rahi hun ke Aap retire hona chahte hain.Kripaya aap aisa mat sochiye.Desh ko aap ke khel ki zaroorat hai aur ye meri bhi request hai ki Retirement ka vichar bhi aap mann mein mat laayiye.@msdhoni
— Lata Mangeshkar (@mangeshkarlata) July 11, 2019
لتا منگیشکر کے اس ٹویٹ کو ایک لاکھ گیارہ ہزار صارفین نے پسند اور 25 ہزار نے ری ٹویٹ کیا ہے۔
ایک اور صارف پراتیک سین نے لکھا ہے کہ دھونی اس وقت تک بھارت کے لیے کھیلیں جب تک آپ کو اپنے آپ پر یقین ہے۔
#donotretiredhoniHey Msd we are watching your Batting since we were able to understand cricket,your are our super hero,last hope of Millions of your fan.dont disappointment them,Play for india until you have believe on yourself. Love you MSD.🙂#Lasthope pic.twitter.com/vUSmI3eFvY
— prateek jain (@prateeks1129) July 11, 2019