عمران خان کی حکومت کے خاتمے کے خلاف ملک بھر میں احتجاج
سابق وزیرِ اعظم عمران خان کی حکومت کے خاتمے کے خلاف احتجاج میں شریک مظاہرین نے ہاتھوں میں پاکستان تحریک انصاف کے جھنڈے اور عمران خان کی تصاویر اٹھا رکھی ہیں۔
ملک کے سب سے بڑے شہر کراچی میں پاکستان تحریک انصاف کے حامیوں نے احتجاجی ریلی نکالی۔ جس میں بچوں اور خواتین سمیت بڑی تعداد میں لوگوں نے شرکت کی۔
کراچی میں راشد منہاس روڈ پر مظاہرے میں شامل شرکا نے عمران خان سے اظہار یکجہتی کیا۔
مظاہرین عمران خان کے حق میں نعرے لگا رہے تھے۔
ملک کے دیگر علاقوں کی طرح صوبۂ پنجاب کے دارالحکومت لاہور میں بھی مظاہرے کیے گئے۔
لاہور کی لبرٹی مارکیٹ چوک پر مظاہرین بڑی تعداد میں اکٹھے ہوئے۔
صوبہ خیبر پختونخوا کے مرکزی شہر پشاور میں تحریک انصاف کے حامیوں نے احتجاج کیا اور عمران خان کے حق میں نعرے لگائے۔
مظاہروں کی وجہ سے قریبی علاقوں میں ٹریفک جام ہو گیا اور لوگوں کو مشکلات کا سامنا کرنا پڑا۔
لوئر دیر کی تحصیل تیمر گرہ میں بھی عمران خان کے ساتھ اظہارِ یکجہتی کے لیے مظاہرے کیے گئے۔
اس موقع پر پی ٹی آئی کے مقامی رہنماؤں نے مظاہرین سے خطاب بھی کیا۔