سعودی عرب میں مسلمانوں کے مقدس شہر مکہ میں مسجد الحرام کے داخلی دروازے سے ایک شخص نے تیز رفتار گاڑی ٹکرا دی۔ سیکیورٹی حکام نے مذکورہ شخص کو حراست میں لے لیا ہے۔
سعودی عرب کے سرکاری خبر رساں ادارے کے مطابق یہ واقعہ جمعے کی شب رات ساڑھے دس بجے کے قریب پیش آیا۔
رپورٹس کے مطابق سعودی شہری سیکیورٹی بیریئر کو توڑتا ہوا تیز رفتار گاڑی آگے بڑھاتا چلا گیا اور مسجد کے جنوبی دروازے سے گاڑی ٹکرا دی۔
UPDATE | A Hyundai car, beige colored, collided at Door 89 of Masjid Al Haram at 10:25 pm And the driver was arrested inside the expansion of King Fahad No one was hurt, Alhamdulillah pic.twitter.com/C4TX6cvODs
— Haramain Sharifain (@hsharifain) October 30, 2020
گاڑی ٹکراتے ہی مسجد الحرام کے باہر موجود سیکیورٹی اہلکار گاڑی کے قریب پہنچے اور اسے گھیرے میں لے کر کار سوار کو باہر نکالا۔
رپورٹس کے مطابق گاڑی میں سوار سعودی شہری کو جب حراست میں لیا گیا تو اس وقت بظاہر وہ 'غیر معمولی حالت' میں تھا۔
پولیس نے اس شخص کو محکمہ انصاف کے اہلکاروں کے حوالے کر دیا ہے۔ جہاں اس پر فردِ جرم عائد ہو گی۔
سوشل میڈیا پر زیر گردش ویڈیو میں دیکھا جا سکتا ہے کہ مسجد الحرام کے دروازے سے ٹکرانے والی گاڑی کو بعد ازاں حکام مسجد سے باہر لا رہے ہیں۔
متحدث #إمارة_مكة سلطان الدوسري :الجهات الأمنية بمكة تُباشر حادثة ارتطام مركبة بأحد أبواب #المسجد_الحرام نتيجة انحرافها أثناء سيرها بسرعة عالية بأحد الطرق المحيطة بالساحة الجنوبية اللحرم، ولم يصب أي شخص بأذى..المقبوض عليه مواطن بحالة غير طبيعية ، وجارٍ إحالته للنيابة العامة pic.twitter.com/wOAPnq2YPf
— إمارة منطقة مكة المكرمة (@makkahregion) October 30, 2020
سرکاری ٹی وی پر نشر کی جانے والی ویڈیوز میں دیکھا جا سکتا ہے کہ واقعے سے قبل اور بعد میں بھی مسجد الحرام کے اندر خانہ کعبہ کا طواف جاری ہے۔
خیال رہے کہ کرونا وائرس کے پیش نظر مسجد الحرام کو بند کر دیا گیا تھا۔ تاہم حال ہی میں مسجد کو نمازیوں کے لیے دوبارہ کھولا گیا ہے۔