پیر، 14 جون 2021 کا بلیٹن

پاکستان کے وزیر خارجہ نے کہا کہ افغان امن عمل میں کوئی پیش رفت نہ ہونے کا ذمہ دار پاکستان کو ٹھہرانا سود مند نہیں ہو گا کیونکہ افغانستان میں امن عمل کو آگے بڑھانے کا فیصلہ افغانوں نے خود کرنا ہے؛ امریکی سینٹرل کمان کے سربراہ نے کہا ہے کہ افغانستان سے انخلا مکمل ہونے کے بعد امریکہ کا افغان افواج کو فضائی مدد فراہم کرنے کا ارادہ نہیں ہے؛ امریکی صدر جو بائیڈن آج برسلز میں نیٹو سربراہ اجلاس میں شرکت کر رہے ہیں؛ جی سیون رہنماؤں نے اتوار کو کاربس بے کے اعلامیے پر دستخط کیے جس میں وبا کے خاتمے اور مستقبل کی تیاری کے علاوہ وبا کے دور میں بارہ ارب ڈالر کی امداد سے اپنی معیشتوں کی بحالی کا عزم کیا گیا؛ سعودی عرب نے ہفتے کو اعلان کیا ہے کہ کرونا وائرس کی عالمی وبا کے پھیلاؤ کےباعث رواں برس صرف 60 ہزار مسلمانوں کو حج کی ادائیگی کی اجازت دی جائے گی جب کہ غیر ملکی زائرین حج نہیں کر سکیں گے؛ اسرائیل میں اتوار کو نئی حکومت نے حلف اٹھالیا جس کے بعد بنیامن نیتن یاہو کے بارہ سال دور کا خاتمہ ہو گیا۔ مزید خبروں کے لیے دیکھیے اور سنیئے وائس آف امریکہ کا سات بجے کا نیوز بلیٹن۔