سابق آسٹریلوی کرکٹر شین واٹسن نے سوشل میڈیا پر نیم برہنہ خواتین کی غیر اخلاقی تصاویر شیئر ہونے پر معافی مانگ لی ہے۔
تصویر شیئر ہونے کے ساتھ ساتھ کچھ نسل پرستانہ تبصرے بھی ان کے اکاؤنٹس سے شیئر ہوئے تھے جس کے بعد سوشل میڈیا پر ہر طرف سے ان پر تنقید ہونے لگی تھی۔
اس صورت حال میں شین واٹسن کو اپنے مداحوں سے معذرت کرنا پڑی۔
شین واٹسن کا کہنا ہے کہ یہ سب کچھ ہیکرز کا کیا دھرا ہے۔ حالیہ دنوں میں ان کے ٹوئٹر اور انسٹاگرام اکاؤنٹس ہیک ہوگئے تھے۔
انڈین پریمیر لیگ میں چنئی سپر کنگز کے لیے کھیلنے والے آل راؤنڈر شین واٹسن کے سوشل میڈیا فولوورز کی تعداد 20 لاکھ سے زیادہ ہے۔
شین واٹسن کا کہنا ہے کہ گزشتہ ہفتے ان کا ٹوئٹر اکاؤنٹ ہیک ہوگیا تھا اور ہیکرز نے ان کے اکاؤنٹس سے نسل پرستانہ تبصرے بھی کیے جو ان کے لیے پریشانی کا سبب بنے ہوئے ہیں۔
انہوں نے اپنی ٹوئٹ میں کہا ہے کہ میرے انسٹاگرام اکاؤنٹ پر پوسٹ کی گئی غیر اخلاقی تصاویر کے لیے سب سے معذرت چاہتا ہوں۔
My apologies to everyone for the illicit photos that have been posted on my Instagram account.First my Twitter account on Friday got hacked and now Instagram today. Instagram needs to help out a lot quicker when things like this happens. This is taking way too long!!! 😡😡😡😡
— Shane Watson (@ShaneRWatson33) October 15, 2019
ایک اور ٹوئٹ میں ان کا کہنا تھا کہ جمعہ کو پہلے میرا اپنا ٹوئٹر اکاؤنٹ ہیک ہوا اور اب انسٹاگرام۔
انہوں نے انسٹاگرام پر اپ لوڈ کی گئی ایک ویڈیو میں اس مواد کو باعث رسوائی قرار دیا ہے۔
Another day..... Another social media account hacked!!!! Thanks to Twitter for getting onto this so quickly for me. Fingers crossed I have sorted this all out and it won’t happen again. 🤞🏻🤞🏻🤞🏻 #mysincereapologies #anotherhacking
— Shane Watson (@ShaneRWatson33) October 16, 2019
یاد رہے کہ آسٹریلوی کرکٹر شین واٹس نے 59 ٹیسٹ اور 190 ون ڈے انٹر نیشنل میچز میں اپنی ٹیم کی نمائندگی کرچکے ہیں اور انہوں نے 2016 میں بین الاقوامی کرکٹ سے ریٹائرمنٹ کا اعلان کیا تھا۔