رسائی کے لنکس

logo-print

پاکستان سے ملحقہ افغان سرحدی گزرگاہ دوبارہ کھل گئی


افغانستان میں انتخابات کے موقع پردو روز کی بندش کے بعد پاکستان سے ملحقہ طورخم سرحدی گذرگاہ اتوار کو ہر قسم کی آمد ورفت اور دو طرفہ تجارت کیلئے کھول دی گئی۔

طورخم ضلع خیبر کے انتظامی افسر تحصیلدار شکیل برکی نے وائس آف امریکہ کو بتایا کہ سرحد کھلنے کے ساتھ ہی آمد ورفت اور دوطرفہ تجارت معمول پر آناشروع ہوگئی۔

بندش کے باعث طورخم میں پچھلے دو دنوں سرحد کے پار آنے اور جانے والے سینکروں لوگ جمع تھے۔

افغانستان اور پاکستان میں انتخابات ،مختلف تہواروں اور اہم دنوں سمیت سیاسی محاذ آرائی اور پر تشدد واقعات کے موقع پرسرحدی گزرگاہیں بند کردی جاتی ہیں جاتی ہیں۔

خیبر میں ٹرانسپورٹرز تنظیم کے ایک عہدیدار شاکر آفریدی نے وائس آف امریکہ کو بتایاکہ گزر گاہوں کی بندش سے نہ صرف عام لوگوں بلکہ ٹرانسپورٹرز اور تاجروں کو بھی بھاری مالی نقصان اٹھانا پڑتا ہے۔

XS
SM
MD
LG