کسی کو ڈکٹیشن دینے کی ضرورت نہیں، الیکشن کب ہوں گے یہ فیصلہ پارلیمنٹ کو کرنا ہے: شہباز شریف

اراکین کی اسمبلی آمد کا سلسلہ جاری

پاکستان کے وزیرِ اعظم عمران خان کے خلاف تحریکِ عدم اعتماد پر رائے شماری آج ہوگی۔

اس حوالے سے اراکین کی قومی اسمبلی آمد کا سلسلہ جاری ہے۔

عدم اعتماد پر ووٹنگ کا طریقۂ کار کیا ہے؟

پاکستان کے وزیرِاعظم عمران خان کے خلاف تحریکِ عدم اعتماد پر رائے شماری آج ہوگی۔ قومی اسمبلی میں یہ ووٹنگ کس طرح ہوگی؟ تفصیل بتا رہے ہیں علی فرقان۔

چوہدری سرور کہتے ہیں وہ اب بھی گورنر ہیں: حامد میر

آج نئی تاریخ رقم ہونے جا رہی ہے: مریم اورنگزیب

پاکستان مسلم لیگ (ن) کی ترجمان مریم اورنگزیب نے کہا ہے کہ آج پارلیمان میں ایک نئی تاریخ رقم ہونے والی ہے۔ انہوں نے دعویٰ کیا کہ 200 سے زائد اراکین حزبِ اختلاف کی تحریک عدم اعتماد کی حمایت کریں گے۔

پارلیمنٹ ہاؤس میں میڈیا سے گفتگو کرتے ہوئے انہوں نے کہا کہ عدم اعتماد کی تحریک کی حمایت کرنے والے حزب اختلاف کے علاوہ جو دیگر اراکین ہیں وہ وزیرِ اعظم عمران خان کے لیے سرپرائز ہوگا۔